fbpx

Good Causes

OCT2016 Baseball VeteranoORANJESTAD, Aruba - 14 di oktober, 2016: E organisacion encarga cu e baseball veteran na Aruba esta Baseball Clasico 40+ ta organisa den e weekend aki e torneo internacional di baseball veterano 14to Uniendo Naciones Serie del Caribe na Aruba cu lo conta cu participacion di ekiponan procedente for di e paisnan di Corsow, Colombia y Aruba. Pa loke ta e participacion di Aruba nos tin cu menciona cu lo tin dos ekipo cu lo defende e colornan di nos bandera. E weganan lo tuma lugar diabierna, diasabra y diadomingo den Stadion Nadi Croes/Crismo Angela na Sta. Cruz y Joe Laveist Ballpark na San Nicolaas.

OCT2016 Tennis Kevin 2Oranjestad, Aruba - 8 di oktober, 2016: Recientemente e tenista Kevin Yarzagaray a biaha pa e pais di Merca, estado Florida unda e la sigui cu un campo di entrenamento. Probechando di e dianan di vacacion escolar, e federacion di ALTB a manda e hoben Yarzagaray pa asina e atende e campo aki cu tabata uno masha importante pa loke ta e wega di e hoben Yarzagaray.

SEP2016 Bodybuilding 1ORANJESTAD, Aruba- 20 di september, 2016: Recientemente e federacion di bodybuilding Arubano esta A.B.P.A a tene nan anual evento Mr. Aruba National Body Building and Fitness Championship esaki den e mahestuoso Grand Ballroom di Aruba Marriot Resort and Stellaris Casino. Mester bisa cu den un sala prakticamente yen a Aruba conoce su miho atletanan di bodybuilding y fitness 2016. Nos por a mira cu e evento tabata uno di nivel halto unda cada competidor a prepara su mes debidamente pa e anochi aki y a presenta nan mes den forma unico y profesional. Mester bisa cu cada bes e competencia ta exigi mas di cada participante pa locual ta nan preparacion y sigur prestacion riba entre otro e escenario.

OCT2016 SchermenORANJESTAD, Aruba - 7 di oktober, 2016: E dianan 10 pa 13 di October proximo lo tuma lugar na Corsow e Dutch Caribbean Fencing Championship 2016, cu lo conta cu participacion di Corsow y Aruba. E compleho deportivo na Brievengat lo fungi como e cas pa e competencia internacional di esgrima. Scherm Amateur Bond Aruba tambe lo forma parti cu un delegacion di grandi atleta den e magno evento aki. Nos atletanan lo competi den e tur tres di e asina yama “wapen” esta floret degen y sabel.

SEP2016 AZB TRAINING 2ORANJESTAD, Aruba - 14 di september, 2016: Mas cu 50 instructor y coaches na Aruba a inscirbi pa e Fina Coaches Clinic pa “beginner coaches” organisa pa Arubaanse Zwembond e dianan 16 pa 20 di september proximo. Inicialmente AZB a spera un acohida mas abou pero mirando e cantidad di inscripcion esaki a kibra tur expectativa. Mester bisa cu Schoolzwemmen Aruba a inscribi tur nan instructornan mescos e clubnan di competencia cu ta manda nan coachnan mientras esnan di diploma zwemclubs (Elementair Zwemmen) tambe ta manda nan instructornan.

SEP2016 Movemento pa bida 1ORANJESTAD, Aruba - 20 di september, 2016: Fundacion Movemiento ta Bida, un organisacion non-profit ta traha duro pa conscientisa nos hendenan pa biba un bida unda e palabra movecion ta central, esaki specialmente bou di nos adulto y grandi nan. E aña aki pa seis biaha Fundacion Movemiento ta Bida ta organisa actividadnan di movecion pa nos 60 plussers den e asina yama Jani Brokke Memorial, dedica na e legendario deportista Arubano, Jani Brokke awe den feliz memoria. Un persona cu a representa Aruba varios biaha den exterior como atleta den diferente deporte y te na un edad relativamente grandi ainda a sigui practica deporte entre otro, tennis.

SEP2016 BOWLING FEM 1ORANJESTAD, Aruba - 12 di september, 2016: E dianan 17 te cu 24 september, e asociacion di bowling Panamericano, PABCON lo tene nan competencia den bowling femenino, e di 17 edicion di e Panamericano Mayores de Boliche na Cali, Colombia. Mester bisa cu Aruba lo competi cu un delegacion femenino bon prepara cu amplio experiencia internacional. E atletanan femenino di bowling lo representa Aruba ta Kamilah Dammers, Thasaina Seraus, Jeadine Luidens, Abigail Dammer, Micheline Jeandor y Giaira Arends, mientras como coach lo biaha Rita Lopez-Henriquez.

DMC Firewall is developed by Dean Marshall Consultancy Ltd