fbpx

Oranjestad, Aruba 12 di februari 2018: Mientras Aruba a drenta e fase final di e celebracion di nos carnaval, nos atletanan ta biaha pa exterior pa asina cumpli cu nan compromisonan den un aña cu ta premira di bira basta ocupa.

 

E dianan 12 pa 17 di februari, e seleccion di tennis femenino hubenil lo competi den e asina yama Junior Fed Cup na Sto. Domingo, Republica Dominicana cu lo conta cu un participacion di e miho atletanan femenino hubenil procedente di 11 pais den America Central y Caribe. E seleccion di Aruba lo consisti dine atletanan Kayla Solagnier, Aethielle Kelkboom y Jelsyvette Croes mientras como coach lo fungi Harry van Reek. Mester bisa cu Aruba ya pa algun aña caba ta participa den e Jr Fed Cup cu aña pasa a wordo teni na e pais di El Salvador.

 

Tur tres atleta tin nan experiencia na nivel internacional tanto den exterior y torneonan teni na Aruba mes. Ainda e seleccion femenino ta buscando di triunfa cu e premio maximo. Na aña 2015 e deporte di tennis a conoce un di nan miho resultadonan den nos region na momento cu e seleccion masculino hubenil a logra gana e torneo di Davis Cup Junior na El Salvador. E aña aki e federacion di tennis Arubano, ALTB a dicidi di manda un seleccion femenino representa Aruba.

DMC Firewall is a Joomla Security extension!