fbpx

 

Desde aña pasa juli Aruba a cuminsa prepara durante e ABCS na Surinam. E aña aki Aruba a logra gana e titulo di Campeon di torneo ABCS, unda cu a trece 8 hungado di Hulanda pa reenforsa e team. Ta trata di e hobennan; Raymond Baten, Reinhard Breinburg, Eric y David Abdul, Rensy Baradas, Ronnie Nouwen, Jean Luc Bergen y Rashidi Gilkes, cu tambe lo forma parti di e team cu lo representa Aruba na Barbados. 

 

E expectativanan ta halto y Aruba mester hunga contra Republica Dominicana dia 23 di september. Dia 25 di september ta hunga contra Dominica y dia 27 di september ta hunga contra Barbados.

 

AVB ta hopi contento cu e contribucion di Lotto, e Loteria di Aruba cu mediante  Subsidie Commissie a aporta pa cubri e parti mas grandi 23 ticketnan di e grupo cu ta biahando. Lotto ta desea nan tur exito pa asina pasa pa e di dos rond di campeonato den luna di october venidero.

 

Diabierna merdia 17 hungado a sali for di Aruba  y e delegacion ta conta cu un total di 25 persona. E delegadonan pa AVB ta; Adriaan Croes, como hefe di delegacion, asisti pa Bernardo Faro y Leopoldo Hernandis. Head coach ta Elvis Albertus asisti pa Roy Wongsosemito y fisioterapista lo ta Francisco Velazquez. 

 

Di e forma aki, Lotto pa medio di Comision di Subsidio, ta sigui contribui y engrandece deporte na Aruba, brindando nos futbolistanan oportunidad pa presenta den exterior y hiba nomber di nos pais dilanti. 

 

Lotto, e loteria di Aruba cu su weganan Catochi, Big 4, Zodiac, Mini Mega, Lotto di Dia, Lotto 5, y Wega di Number Korsou, ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento, inverti den deporte local. Y awor durante henter luna di September bo ta haya un chens extra pa gana Afl. 1000,- tur dia cu Big 4, Catochi of Wega di Number Korsou. Yena bo cartera cu Cachi Cachi! 

DMC Firewall is developed by Dean Marshall Consultancy Ltd