Lotto, e lotteria di Aruba, ta hopi contento di mira cu tin interes grandi den e wega di cricket. Cricket ta un wega masha interesante y peculiar y sigur tin su fanaticonan cu ta practic’e tambe na Aruba. Recientemente tabatin un ‘Friendly Tournament’ cu tabata consisti di 3 team di Aruba y 4 team di Hulanda, cu 15 hungado. E wega amistoso aki ta pa estrecha e lazonan den e mundo deportivo di cricket, entre Aruba y Hulanda, ya cu na Hulanda e wega aki ta masha popular y gusta pa hopi. E wega mester a tuma luga na Joe Laveist San Nicolaas, pero pa motibo di tempo, a cambia di luga y a hunga na e veld di Centro di Bario Brazil. Cada hungado a hunga contra otro y e wega a bay den un dushi ambiente familiar. E final di ‘Friendly Tournament’ aki tabata entre e mihonan di Aruba contra e team di Hulanda. 

Na final di dia, e asociacion a parti medaya y tambe e team di Hulanda a haya un trofeo como muestra di aprecio y gradicimento pa nan participacion. E team di Hulanda a keda masha contento cu e excelente hospitalida di Aruba su asociacion di cricket. Asociacion di Cricket tin ya un par di aña caba activo aki na Aruba y nan ta bezig ta recruit mucha y hoben pa join e deporte fascinante di cricket. E muchanan of e hobennan cu ta interesa pa haya sa mas di e wega dibertido aki, por pasa na John Wesley College y pa mas informacion por yama libremente na 747 9181 y puntra pa señor Leroy Collins.

Lotto, e loteria di Aruba ta encurasha tur hoben y mucha pa bin purba e deporte aki y ken sa cu den futuro nos lo por forma un ekipo nacional di cricket y asina representa Aruba den e weganan den exterior. Di e forma aki, Lotto pa medio di Comision di Subsidio, ta sigui contribui y engrandece deporte na Aruba, brindando nos atletanan oportunidad pa presenta den exterior y hiba nomber di nos pais dilanti.  

Lotto, e loteria di Aruba cu 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou y awor tambe Tic-Tac-Toe un wega debertido pa hunga, ta corda un y tur pa sigui purba nan suerte cu cualkier di 8 weganan aki na cualkier rebendedo di nan preferencia, ya cu kisas abo por ta e siguiente ganado feliz. Alabes cumprando Lotto bo ta contribui tambe na deporte riba nos isla. 

{gallery}joomgallery/originals/asociacion_di_cricket_2012_15{/gallery}