Deporte ta sigui haya atencion di Lotto y diasabra ultimo no tabata un excepcion, durante e torneo di billiard, Billiard APT Tour Stop 1 (9Ball). Lotto como fundacion cu ta sponsor e eventonan deportivo,  y tambe e atletanan, pa medio di Subsidie Commissie, a patrocina e evento aki, cu sigur tin su fiel hungadonan.

 

E evento deportivo aki a tuma luga na Classic Billiards, situa na Hato y a cuminsa pa 5’or di atardi, cu nan fanaticada presente pa brinda sosten na nan hungadonan. E ambiente tabata uno hopi sano y tambe familiar, unda cu cada hungado a duna nan miho prestacion y diadomingo tabatin e gran final. E resultado final ta: 1. Jorge Petrocchi, 2. Richard Wolff, 3/4. Rensley Tromp, 3/4. Mark Farro, 5/8. Gunnar Leonardo, 5/8. Dito Acosta, 5/8. Aaron Franken y 5/8. Fredly Tromp. 

 

Lotto ta sumamente contento di mira con nos hendenan ta dedica na deporte en general y ta practica esaki na un nivel serio, demostrando varios bon wega durante e dos dianan di torneo. Un pabien ta bay na e ganadonan y pa nan sigui train p’e siguiente torneonan cu pronto lo ta na caminda. 

 

Lotto, e loteria di Aruba tin 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.