Como parti di sostene deporte en general na Aruba y contribui pa engrandece nos deporte, Lotto, e loteria di Aruba, a patrocina e Campeonato di Little League Softball Aruba pa medio di Sport Subsidie Commissie, cu a duna inicio algun dia atras. Mester bisa cu poco poco e deporte aki ta creciendo y e acogida cerca nos muchanan y comunidad ta sigui crece. Sigur despues di e tremendo campeonato aki. 

 

E prome weganan a bay hopi bon mes, unda cu despues di un fabuloso apertura, a hunga 2 wega. E ekiponan presente den division di T-Ball, tabata; Rebels y Rascals,  den division di mayor tabata; Starz y Little Panthers y den division di seniors, tabata; Panthers, Sharks y Dolphins. 

 

E muchanan a demostra di tin potencial y a hunga tremendo partido, unda cu den e prome wega di division majors, e ekipo fuerte di Starz, a sa di derota finalmente e ekipo di Little Panthers, cu un score di 16-0, unda cu nan a logra 16 careda y 4 hit y Little Panthers a logra 0 careda y 1 hit. E pitcher ganado di e wega aki a resulta den e hobencita, Izaika Maduro y Sanella Krosendijk a resulta den e pitcher perdedor. Starz tambe a keda cu e titulo di miho bateador, cu a bay p’e hobencita Keana de Graf y Izaika Maduro di 1-1. Pa e ekipo di Little Panthers, e hobencita, Shaniqua Peterson a logra e score di 1-1. 

 

Den e division di senior e ekipo di  BK Sharks a gana esun di Aruba Bank Dolphins, cu score di 9-1. E pitcher ganado tabata Lisandra Thiel. E wega a termina, unda cu BK Sharks, a logra 9 careda, 4 hit y 1 eror y  Aruba Bank Dolphins, a logra 1 careda, 2 hit y 4 eror. BK Sharks tambe a bay cu e titulo di miho bateador, den e hobencita Filette Halley, cu e score di 2-1 y  pa Aruba Bank Dolphins, tabata Perla Geerman y Jully-Ann Kock cu e score di 2-1.

Dia 23 di maart e campeonato a sigui cu 2 wega riba tereno di Mabon cuminsando pa 9 or di mainta. E miho batiado pa Panthers, Camilla Panneflek di 1-1 y Franzienne Trimon di 3-2. 

 

Diasabra dia 30 di maart, e campeonato a sigui y e entusiasmo y energia tabata hopi halto. Den e division di majors, Starz a gana 14-5 y duna un tremendo espectaculo deportivo pa tur e fanaticonan. E pitcher ganado a resulta den e hoben, Dianira. Valero Starz a logra obtene 14 careda y 0 hit y Little Panthers, a termina nan wega cu 9 careda, 5 hit y 5 eror. Aruba Bank Dolphins a termina nan wega cu 4 careda, 4 hit y 2 eror , Yesseline de Kort di Aruba Bank Dolphins, a logra e score di 3-2 y Gilda James a logra e score di 2-1.

 

Lotto, e loteria di Aruba tin 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio

 

{gallery}joomgallery/originals/little_league_softball_2013_23{/gallery}