ORANJESTAD, Aruba – 24 di april 2013: Despues 3 dia di competencia fuerte riba dianan 5,6 y 7 di april ultimo, di e evento deportivo di clasificacion di Billiard, Lotto ta satisfecho cu e resultado, unda cu un total di 30 hungado a bataya pa purba clasifica pa bay e weganan Panamericano proximo.

 

E ganado absoluto, sin perde un wega, a keda den persona di Rensley Tromp, cu por cierto actualmente ta train 4 pa 5 ora diariamente. E resultado final ta lo siguiente: Rensley Tromp campeon y clasifica pa hunga Panamericano, na di 2 luga Ryan Rampersaud, na di 3 luga Angelo Tromp, na di 4 luga Gunnar Leonardo, na di 5 luga Mark Farro, na di 6 luga Josua Ras, na di 7 luga Maarten Appeldoorn y na di 8 luga Edwin Chirino.

 

Esaki ta otro deporte mas cu ta hayando atencion y acogida riba un nivel mas serio y profesional y Lotto ta orguyoso di a patrocina e evento y ta sigui encurasha y motiva nos hendenan pa haci deporte, ya cu e ta contribui na un bida mas saludabel.

 

Lotto, e loteria di Aruba tin 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.