ORANJESTAD, Aruba - 24 di mei 2013: Deporte ta bin den tur forma y un di e weganan cu tambe ta hayando atencion di Lotto, e loteria di Aruba, ta weganan di biyar. Durante un fin di siman masha ameno y un wega final dramatico, Angelo Tromp ta logra gana Lucas Tromp 7-6, logrando di titula su mes Campeon Nacional.
Angelo a demostra tremendo dominio di e wega y no a perde ningun wega. Lucas a gana nada menos cu Jorzino 5-1, Gunnar 5-4, Colin 5-3 y despues di ta abou 4-6, e ta logra 'clear out' e wega 5-6 'break' y 'run' 6-6, pa despues break y Angelo ta 'run out'!
E resultado final a keda: Campeon Nacional Angelo Tromp, Sub Campeon Lucas Tromp, di 3 luga Colin de Nobrega y di 4 luga Gunnar Leonardo. Lotto ta felicita Angelo Tromp cu su titulo, ya cu e titulo aki ta duna Angelo su chens pa bay representa Aruba den Panamericano, cu ta tuma luga den luna di augustus na Argentina. Angelo ta bou maneho di STEELERS management y Lucas ta logra bira e miho hungado di Barracuda.
Danki ta bay tambe na Classic Billiards, Lotto y Comision Sportsubsidie Aruba, pa pone nan confianza y duna sosten na e deporte di biyar, cu ta hayando tremendo acogida ultimamente.
Lotto, e loteria di Aruba tin 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.
