ORANJESTAD, Aruba 11 di Juni 2013: E deporte di biyar sigur ta uno cu ta creciendo na Aruba, como un deporte serio y cu su exigencianan di nivel internacional. Siman pasa, FEBIAR tabatin otro campeonato di biyar, unda cu varios atleta a demostra nan talento y habilidad deportivo riba e mesanan di biyar. Lotto, e loteria di Aruba cu ta contribui na deporte di Aruba, tambe a forma parti di e campeonato aki y a duna sosten completo na e deporte di biyar.
Ryan Rampersaud, a logra e titulo di Campeon y asina e ta gana e puesto di honor pa bay defende bandera di Aruba, den luna di augustus proximo na e gran competencia internacional, Pan Americano na Argentina. Ryan sin duda, ta e miho hungado di 10 ball y tambe e ta rank #1 na Aruba den 10 ball.
E resultado final di e campeonato nacional di biyar a keda na e siguiente manera; Ryan Rampesaud cu e titulo di Campeon, Richard Wolff a logra titulo di Sub Campeon, Josua Ras na di 3 luga, Aaron Franken na di 4 luga, Gunnar Leonardo na di 5 luga, Jorzhino Everon na di 6 luga, Edwin Chirino na di 7 luga y Mark Farro na di 8 luga.
Lotto di Aruba ta orguyoso di por a aporta na e campeonato y e atletanan. For di awo caba Lotto ta desea Ryan tur clase di exito den su preparacion y prestacion pa Panamericano 2013.
Lotto, e loteria di Aruba tin 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.
