ORANJESTAD, Aruba 20 di Juni 2013: E fin di siman di 7 te cu 9 di juni, AZB a tene su Campeonato Nacional di landamento, entre e tres clubnan; Aruba Dophins Swimming Team, Swimming Team The Orcas y Stingray Swimming Team. Esaki ta un competencia anual y Lotto, e loteria di Aruba ta contribui cu e deporte aki, specialmente si mira e desaroyo di landamento ultimamente. E deporte di landamento ta uno masha gusta y practica na Aruba y tabatin alrededor di 130 landado entre e 3 clubnan.
Bou auspicio di AZB y cumpliendo cu e reglanan internacional di FINA, e Campeonato Nacional a tuma luga den nos Piscina Olimpico na Savaneta. Despues di 4 sesion di competencia, diadomingo merdia a saca e top ganadonan di cada categoria pa pais Aruba, cu a ricibi nan famoso "High Point Trophy".
Categoria 8 y abou: femenino ta Gabriela Gordon y masculino ta Ronald Fun ambos di Aruba Dolphins.
Categoria 9-10: femenino ta Zoe Thode y masculino ta Jasper Timmer, ambos di Aruba Dolphins.
Categoria 11-12: femenino ta Keeley Maduro y masculino ta Daniel Jacobs, ambos di Stingray Swimming.
Categoria 13-14: femenino ta Ginayla Arends y masculino ta Mikel Schreuders, ambos di Stingray Swimming
Categoria 15-17: femenino ta Ally Ponson y masculino ta Jordy Groters, ambos di Stingray Swimming.
Categoria 18 – 24: femenino ta Marelys Robbles de Medina di Aruba Dolphins y masculino ta Jemal le Grand di Stingray Swimming.
Na final di Campeonato Aruba, Aruba Dolphins ta keda na prome luga cu 269 medaya: 78 di oro – 115 di plata y 76 di brons. Stingray Swimming Team ta keda nan di dos luga cu 247 medaya: 118 di oro – 63 di plata y 66 di brons y na di tres luga ta Swimming Team The Orcas cu 10 medaya: 1 di oro – 1 di plata y 8 di brons.
Lotto, e loteria di Aruba ta felicita directiva completo di AZB, e atletanan, e clubnan y e mayornan cu e resultado di Campeonato Arubano 2013 y contento di tambe por forma parti di e famia grandi aki di landamento y exito di e atletanan.
Lotto, e loteria di Aruba tin 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.
