ORANJESTAD – 11 Juni, 2014 Recientemente a tuma luga e Feria Nacional 2014, na Villa Floralina. Aki a tuma luga e competencianan di Cabaynan como tambe e competencia di Jinete y Amazona pa e principiantenan. Hues Jose Fernandez Nieto a duna su resultado como tambe un splicacion na e trainer, jinete y amazona.

Ganadora Resultado di Amazonas Principiante di 9 pa 11 aña a resulta Kim Schelling.
E miho premio entre Jinete Principiante di 12 pa 14 aña a keda a bay pa Rodgerson Ras.
Selene Boekhoudt a Sali ganadora entre Amazonas Principiantes di 15 pa 17 aña. Laura Kock a Sali ganadora entre e Amazonas Principiante di 18 pa 20 aña. E resultadonan di Diadomingo 8 di Juni ta pa e categoria Amazona Pre-Infantil di 6 pa 8 aña, Ela Nucete.

Mientras cu den e categoria Amazonas Infantil entre 9 pa 11 aña a keda Sophia Schwarz.
Den e categoria di Amazonas Junior entre 12 pa 14 aña a inicia na prome instante cu 10 amazonas, cual tur di nan a sa di duna lo maximo pa cu nan presentacion. Lamentablemente ta solamente 6 premio tabata disponibel. Melanie Wever a sali victoriosa den e categoria aki, sigui pa Elizabeth Johnson, Natalia Mouawad, Zoey Arends, Nina van Romondt y Sanjli Nicholson.
Den categoria Jinete Junior entre 12 pa 14 aña e ganadora a resulta Gian Luca Curiel sigui pa Willem Werleman.

E miho amazona hubenil den categoria 15 pa 17 aña , a resulta e amazona Shayna Werleman, sigui pa Savannah Hasham, Richelle Chirino, Eline de Kool, Eva Pols y Leeza Figaroa.
Den e categoria di jinete aficionados entre 18 pa 20 aña a participa 3 jinete. Shaun de Cuba a participa pa di ultimo biaha ya cu e ta bay studia den exterior. Y e la sa di hiba e premio maximo sigui pa Juan Jose Werleman y Paul Nicolaas. Alina Mansur a sa di bay cu e prome premio den e categoria Amazona Aficionadas entre 21 pa 24 aña sigui pa Brigitte Werleman. Mientras cu den e categoria Jinete Aficionados entre 21 pa 24 aña e premio maximo a bay pa Marc Yanes, sigui pa Mark Bruin.

Diadomingo Brigitte Werleman a gradici Igor Kock como trainer y head coach di seleccion mundial di J&A. Dario Jimenez como persona cu semper a yude y sinje hopi locual ta trata e mundo cabayista. Sr. Lucho Claro di Rancho La Poderosa tambe a haya un bunita reconocimento como instructor. Pa Brigitte Werleman, esaki tabata su di ultimo competencia como Amazona y awor lo sigui como Montado den e deporte aki.

Lotto, e loteria di Aruba ta felicita tur ganador y deseanan hopi exito den futuro tambe.