Mester bisa cu Quincy a logra surpasa su meta poni mirando cu e la logra no solamente gana e prome luga y e medaya di Oro pa Aruba pero tambe establece un record nacional nobo den e disciplina di salto largo. Cu tres centimeter e atleta logra impone un record nobo cual anteriormente tabata den man di e propio atleta Breell. Aña pasa Breell a bula 7 meter y 46 centimeter durante di e Nationale Kampioenschappen di atletismo na Hulanda, e biaha aki na Cartagena, Colombia, e atleta Breell ta bula 7 meter y 49 centimeter. Mester bisa cu e record nobo aki Breell ta pone su mes den e Top 30 atletanan di salto largo den nos region.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di nos hoben atleta pa competencia den exterior. E atleta Quincy Breell a hiba un preparacion largo y intensivo di entrenamento y pa prome biaha e lo bay competi den un wega regional contra di e miho nan di Centro America y Caribe.
