Aki no por keda sin gradici Lotto, e Loteria di Aruba cu pa medio di Comision di Subsidio ta subsidia e torneo internacional di ajedrez. E torneo a consisti di shete rond y a wordo hunga den 3 categoria hubenil y adulto y dos categoria infantil. Mester bisa cu e hungadonan di Aruba a presta den forma tremendo durante e torneo aki, unda cu a logra cay den premiacion den cada categoria disponibel.
Den e categoria Open nos a haya cu CM Octavio Croes a conkista un di tres luga, mientras cu Quintin van de Seijp a keda na di 5 luga. Pa loke ta e categoria Youth Group U-18, nos ta haya WCM Annelaine Jacobs a keda na di prome luga y a bira campeon den e categoria aki mientras Mark Bueno a keda na di dos luga. Den e categoria U-12, Surnam a gana tur e premionan. Pa loke ta e miho hungadonan di e torneo, esakinan a bay pa Ethan Croeze den U-10 y David Irausquin den U-8.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
