fbpx

Oranjestad, 28 di October 20014: Diabierna ultimo e atleta di Tang Soo Do, Sherwin Wester a biaha pa Atlanta, Georgia esaki como preparacion pa cu e World Championship Tang Soo Do cu lo tuma luga otro aña na Las Vegas, Neveda.

 

Bou invitacion di Grandmaster Koreano Ton Hwan Kim, e atleta Wester a sali pa un torneo di fogeo di blackbelts na Atlanta. Diasabra mainta e torneo a inicia y dura un dia completo. Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e atleta di Tang Soo Do, Sherwin Wester.

 

Ta bon pa bisa cu e resultado di Sherwin tabata sublime unda e la sali den su categoria blackbelt 'Men's forms champion, Grand forms champion, Men's sparring Champion' y a logra un medaya di plata den team sparring reenforsando un team masculino. Despues di torneo Sherwin a keda invita pa presencia examennan di blackbelt. Tambe e la haya e oportunidad pa demostra su habilidad di e forms ' Kong San Koon'. Actualmente Sherwin ta na West Haven, Connecticut siguiendo dos dia di entrenamento intensivo cu Grand master Charles Ferraro y master Brandon Ferraro. Apesar di su edad hoben ya caba Sherwin Wester tin su propio school di Tang Soo Do 'Fighting Eagle Academy' na Colegio San Jose na Santa Cruz.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

DMC Firewall is developed by Dean Marshall Consultancy Ltd