fbpx

Oranjestad, Aruba - 10 December, 2014: Durante di un periodo di casi cuater siman largo, e atleta di ciclismo Eugene Dirksz hunto cu coach Aldrick Maduro a atende un campo di entrenamento y un curso ofreci pa e federacion mundial di ciclismo, UCI teni na e ciudad Mar del Plata, Argentina. Un danki sigur na Lotto, e Loteria di Aruba pa medio di Comision di Subsidio cu a subsidia e biahe, campo di entrenamento di atleta Eugene Dirksz y e curso di coach Aldrick Maduro.

 

Den transcurso di e proximo cuater añanan continente Americano lo ta sede di algun eventonan internacional manera UCI Road World Championships na Richmond (USA) na 2015, e weganan Olimpico y Paralimpico na Rio (Brasil) na 2016 y e Youth Olympic Games na Buenos Aires (Argentina) na 2018. Na Mar del Plata, Argentina, a organisa un campo di entrenamento pa atletanan junior y pa coachnan cu e fin di yuda maximisa e oportunidadnan pa cualificacion di paisnan den Centro y Sur America y islanan den cercania. E curso intensivo di cuater siman aki a wordo organisa door di Union Cycliste Internacionale (UCI), e World Cycling Centre (WCC), Pan American Cycling Confederation (COPACI), UCRA (Argentina), Comite Olimpico di Argentina y gobierno di Argentina. Un total di 34 atleta y 20 coachnan di diferente pais a asisti na e curso aki. Entre nan Aruba cu a wordo representa dor di ciclista Eugene Dirksz pa e parti di entrenamento pa atleta y Coach Aldrick Maduro pa e curso pa nivel 1 y 2 di coach.

E president di UCI sr. Cookson ta señala cu e campo di entrenamento aki tabata pa detecta talento como parti di e strategia global pa desaroya ciclismo rond di mundo. Tur pais tin atletanan talentoso, di cual algun tin e potencial pa competi ariba un nivel halto. E proceso ta cuminsa cu e deteccion di e talento y ta wordo sigui pa cursonan dientrenamento no solamente pa e atleta pero tambe pa su entorno.


Na e campo di entrenamento a focus mas tanto ariba e atleta junior den bista cu e lo tin e potencial di mas grandi pa crece y desaroya su mes den e proximo añanan. Pa e atletanan aki por desaroya optimalmente den nan mes un pais a opta pa duna un curso di biaha pa e coachnan cu mester entrena y guia e atletanan aki.  curso a wordo duna y guia door di e coordinador di WCC y dos coachnan di Swisa dunando e participantenan asina e oportunidad di beneficia di e experticio di un staff profesional. E atletanan cu mas promesa por wordo invita pa entre nan na Aigle, Swisa. Esaki tambe por conta pa coachnan cu potencial pa nivel 3 cu ta e nivel di entrenador di mas halto reconoci dor di UCI.

 

Eugene a haya e prome siman introduccion di con pa core riba pista y manera tur otro atleta participante a wordo getest riba diferente area di habilidad di maneha bicicleta, potencial nan fisico y test psicologico como atleta. E test nan aki a wordo coordina y dirigi dor di tur coach presente incluyendo coach Aldrick. A train hopi intensivo dos biaha pa dia y tin dia te hasta tres biaha. Pista, ruta y gym. Durante e prome dos simannan Eugene tabata clasifica como atleta den grupo di 'Desaroyo' y pa e ultimo dos simannan a wordo promovi pa grupo 'Endurance'. Cual ta un desaroyo significante.

 

Coach Aldrick a experencia cuater siman di curso intensivo na unda e mester a asisti y den algun oportunidad dirigi e planificacion, ehecucion y evaluacion di entrenamento di e programa di e campamento di e atletanan. E entrenadornan tabata tin cu prepara y presenta charla,proyecto di plan anual & profiel di atleta como tesis.
Pa nan evaluacion final tur e entrenadornan a haci un examen por escrito di tres ora. Ainda falta resultado final cual nivel coach Aldrick lo ricibi. Esaki lo bin directamente di Swisa. E certificado lo ser otorga via Aruba Wielerbond y lo ta a base di su examen den combinacion cu su empeño durante e curso.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

 

DMC Firewall is developed by Dean Marshall Consultancy Ltd