Oranjestad, Aruba - 11 di December 2014: Aruba Boxing Association(Arubox) lo tene un otro evento di boxeo internacional den Centro Deportivo Libertador Betico Croes. E biaha aki e evento lo carga e nomber di "Arubox Birthday Bash". Lo bini Aruba boxeadornan di islanan ruman manera Corsow y Boneiro, sin lubida nos boxdonan di Aruba mes. Ta gradici Lotto, e Loteria di Aruba pa medio di Comision di Subsidio cu a subsidia e evento di boxeo internacional.

Mester bisa cu un cantidad grandi di scol di Aruba a inscribi pa participa na e evento di boxeo internacional. Tur e atletanan tin varios simannan largo a prepara nan mes debidamente pa cu e evento aki. Notable ta cu boxeo a conoce un crecimento e ultimo anjanan y mayoria scol ta produciendo bon boxdo y eventonan internacional manera esun di diasabra awor ta pas den e concepto di Arubox pa yuda hiba nan boxdonan yega na un nivel mas halto door di laga nan midi forsa contra esunnan di exterior. E aña aki so Arubox a organisa tres evento internacional di boxeo.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.