fbpx

Oranjestad, 11 di December. Dia 30 di November ultimo e federacion di esgrima, SABA a tene su campeonato nacional na Maria Christina School na San Nicolas. A tene e campeonato den diferente categorianan manera infantil, hubenil y adulto. Ta gradici Lotto, e Loteria di Aruba pa medio di Comision di Subsidio cu a subsidia e campeonato nacional di esgrima.

 

Mester bisa cu den e ultimo aña nan mas y mas persona ta bira miembro di e deporte di spada mientras su popularidad ta sigui crece principalmente bou di nos hobennan. Ya for di 6 aña di edad nos muchanan ta cuminsa practica e deporte aki y ta sigui te den e edad di adulto femenino y masculino. E deporte di esgrima pa varios aña ta ser dirigi pa e conocido Austin Thomas.

 

Recientemente a tene nan campeonato nacional unda cu varios atleta di esgrima a participa. Despues di algun bon combate, e ganadonan di e torneo nacional di esgrima a bira conoci. Esnan cu a triunfa cu un prome luga tabata Myron Baletin, Alex Wever, Lindsey Roga, Myron Thijzen y Tirslain Jansen.

DMC Firewall is developed by Dean Marshall Consultancy Ltd