Oranjestad, Aruba - 22 di januari, 2015: En conexion cu e celebracion riba Dia di Betico, e organisacion di futbol infantil, LIFIDA lo ta organisando un torneo di futbol den e Division LIFIDA B. E torneo lo carga e nomber di "Torneo Copa Betico Croes". E torneo lo tuma luga den dos dia esta, e diasabra 24 di januari, mientras e gran final lo ta diadomingo 25 januari den Stadion di Yara na Savaneta.

E ekiponan participante na e torneo lo ta RCA, Britannia, Nacional/Washington, SC United y RCS. Mester bisa cu e seleccion U-13 tambe lo forma parti di e torneo aki, esaki como preparacion pa e Torneo Internacional Aruba Himno y Bandera 18 maart. Na final tur club participante lo ricibi un bunita trofeo como un certificado di participacion. E torneo lo inicia riba ambos dia pa 9or di mainta.

Un danki sigur na Lotto, e Loteria di Aruba pa medio di Comision di Subsidio cu a subsidia e eventonan deportivo en conexion cu e celebracion riba Dia di Betico. Tur aña mayoria federacion tin riba nan calendario un evento deportivo riba 25 di januari, celebrando asina e fecha natal di e gran estadistica Arubano.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.