Oranjestad, Aruba – 3 di februari, 2015: Durante dos dia largo, Aruba Bodyboard Association a organisa, pa di dos aña consecutivo, e Copa Betico Croes 2015 na Andicuri Beach. Mas di 40 competido a participa na e competencia di bodyboard cual a haci e dos dianan uno super exitoso. Den e dos dianan aki a bataya fuerte den e categorianan di Open Bodyboard, Open Surf, Junior Bodyboard, Women Bodyboard, Beginners Bodyboard y Dropknee Bodyboard.
Mester bisa cu e condicion di lama no tabata esun di mas miho, e olanan tabata entre un y tres pia, e competidonan mester a haci hopi esfuerso pa por a realisa nan maniobranan, mientras e seleccion di ola a hunga un rol grandi riba resultadonan. E nombernan cu mas a destaca tabata Jayfrem Croes, Ruell Justina, Aaron Angela, Randolf Kock, Joshua Kelly, Gregory Wouters, Jeffrey Dijkhoff(surf) y Max Dedekind (surf).
Un danki sigur na Lotto, e Loteria di Aruba pa medio di Comision di Subsidio cu a subsidia e evento di Bodyboard na Andicuri celebrando asina Dia di Betico.
Nos tin e siguiente resultadonan den e Copa Betico Croes:
Open Bodyboard
1. Jeremy Loefstok
2. Ruell Justina
3. Randolf Kock
4. Josuua Kelly
Surf Open
1. Jeffrey Dijkhoff
2. Xenon Lacle
3. Gregory Wouters
4. Max Dedekind
Junior Bodyboard
1. Jayfrem Croes
2. Aaron Angela
3. Rick Werleman
4. Jarred de Vries
Women Bodyboard
1. Ebrina Curet
2. Mirienne Rosario
Dropknee Bodyboard
1. Gregory Wouters
2. Roduard Ferrier
3. Jayfrem Croes
4. Jason Angela
Beginners Bodyboard
1. Aaron Angela
2. Jarred de Vries
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
