Oranjestad, Aruba - 22 di juni, 2015: Tur cos ta cla pa e seleccion di softbol masculino di Aruba representa nos dushi isla den e Campeonato Suramericano de Softbol Masculino na e ciudad di Bogota, Colombia, esaki riba invitacion di e Federación Colombiana de Softbol. Den e ultimo añanan e deporte di softball a crece considerablemente na Aruba unda mas y mas ekipo ta participa na e campeonatonan organisa pa e federacion di softball, ASB.
Banda di esaki, e federacion ta trahando duro pa sigui engrandece e deporte unda ta competi riba nivel internacional cu e seleccionnan femenino y masculino. Algun tempo atras e seleccion di softball masculino a logra haci un tremendo papel den e campeonato di ECASC (English Caribbean Amateur Softball Confederation), unda a sali sub-campeon.
Un danki sigur na Lotto, e Loteria di Aruba pa medio di Comision di Subsidio cu a yuda cu un parti di e subsidio pa asina e seleccion di softball masculino pa competi den e Campeonato Suramericano de Softbol Masculino na Bogota, Colombia.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
