Oranjestad, Aruba - 23 di juni, 2015: Recientemente e bolichera Kamilah Dammers a biaha pa Orlando, Florida unda e lo permanece pa un algun dia na e Kegel Training Center. E ganado di medaya di Oro y Plata di e Weganan Centro Americano y del Caribe lo entrena durante cinco dia bou guia di algun expertonan cu ta traha den servicio di e Kegel Training Center.
Mester bisa cu e entrenamentonan ta inicia di mainta te atardi laat. Lo traha riba e parti di tecnica y consistencia di e wega, movecion di bala, traha den team y entrenamento mental. E campo di entrenamento di Kegel Training Center na Orlando, Florida ta mundialmente conoci unda paisnan di tur parti di mundo y aki Kamilah lo hiba su preparacion pa loke ta e Weganan Panamericano 2015 di Toronto, Canada cu lo inicia dentro di algun siman. Mirando e prestacion formidabel di e atleta Dammers lo por haci un di e faboritonan pa logra un medaya pa Aruba.
Un danki sigur na Lotto, e Loteria di Aruba pa medio di Comision di Subsidio cu a subsidia e biaha di e atleta Kamilah Dammers por atende e campo di entrenamento na Kegel Training Center.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
