Oranjestad, Aruba - 25 di juni, 2015: Den e simannan binidero, e federacion di ciclismo, AWB lo organisa su campeonato nacional di ciclismo cu diferente careda den e disciplina nan di ciclismo di ruta, mountain bike y bike cross. Pa cu e eventonan aki diferente ruta lo ser uza mientras e acomodacion pa bike cross lo ta na Jaburibari.
Mester bisa cu den e fin di siman tras di lomba esaki a inicia cu e careda di ruta unda diasabra tabata tin e evento, careda contra holoshi conoci tambe como e “Time Trial” na Pos Chikito. Pa su mañan diadomingo a tene e careda di ruta unda a uza e famoso subida di Palesiaweg na San Nicolas.
E evento lo continua aki dos siman, dia 4 di juli, cu e seccion di mountain bike, unda lo organisa e “Kids Mountain Bike” y Adults Mountain Bike cu lo tuma luga na Ayo y bisindario. Pa su mañan, esta diadomingo 5 di juli, lo tin e caredanan di bike cross, BMX riba pista di Jaburibari na Paradera. Tur amante di e deporte di bicicleta ta keda cordialmente invita pa pasa y apoya nos coredonan.
Un danki sigur na Lotto, e Loteria di Aruba pa medio di Comision di Subsidio cu a subsidia e evento campeonato nacional di ciclismo 2015.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
