Oranjestad, Aruba - 26 di juni, 2015: E torneo di tennis di mesa Teams Copa Aruba ta bayendo den gran forma. Casi henter e luna di juni e Teams Copa Aruba ta wordo hunga den e categorianan di A y B klas. Mester bisa cu e weganan tur ta riba un super bon nivel, unda nos hobennan ta resalta den forma impresionante den nan weganan hunga.
Pa loke ta e resultadonan te cu awo den A - klas mester bisa cu e ekipo di Butterfly a gana Kawin Home Center cu e score di 3 – 2, mientras Mario’s Sportshop a gana Dragon CD cu e score di 4 – 1 y por ultimo Kawin Home Center a gana Hooters cu e score di 3 – 2. Den B – klas tambe e encuentronan tabata den bon nivel unda nos ta haya cu e ekipo di Jon Tai a gana Universal Spin 3 – 2, Blue Dragon a gana Centro Deportivo San Nicolas 4 – 1, Blue Fire a gana 5 – 0 di Bob Master.
Su siguiente siman e Copa Teams a continua den A klas unda nos a haya Butterfly a gana Hooters 4 – 1, Kawin Home Center a gana Dragon CDcu e score di 5 – 0, Butterfly ta gana Mario’s Sportshop den un tremendo wega 3 – 2. Den B klas, Universal Spin a gana 3 – 2 di APA Master, Jon Tai a gana CD San Nicolaas cu e score di 5 – 0, Blue Fire a gana 5 – 0 for di Blue Dragon, Universal Spin a gana 5 – 0 for di Bob Master.
Un danki sigur na Lotto, e Loteria di Aruba pa medio di Comision di Subsidio cu a subsidia e torneo di Teams Copa Aruba 2015.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
