Oranjestad, Aruba - 26 di juni, 2015: E atletanan Nicole van der Velden y Thijs Visser den pleno preparacion pa loke ta nan clasificacion pa e Weganan Olimpico di Rio de Janeiro 2016. Despues di a competi den e Weganan Centro Americano y del Caribe na Veracruz, Mexico, e duo conoci tambe como e The Fyling Arubies a participa den varios competencia internacional unda esakinan a fungi como nan fogeo pa loke ta nan cualificacion Olimpico den e disciplina Nacra 17.
Nan a competi y alabes atende campo di entrenamento na entre otro Rio de Janeiro, Brasil, pero tambe a competi na Merca, Spaña, Italia y Hulanda. Den luna di juli lo tin e campeonato mundial na Dinamarca, cual ta uno cu lo sirbi como e clasificacion pa e Weganan Olimpico di Rio 2016. Mas cu claro ta aki ta na unda The Flying Arubies lo kier remata y logra un puesto den e prome tres puestonan di clasificacion.
E deporte di catamaran sigur no ta barata, e tin su costo halto cune. Awo mas cu claro nan lo atende algun competencia di fogeo y entrenamento sepecial mas na Weymouth y Kieler Woche, prome cu e campeonato mundial na Aarhus, Dinamarca. Despues di e campeonato mundial ainda tin un posibilidad pa clasificacion esaki na Rio mes.
Un danki sigur na Lotto, e Loteria di Aruba pa medio di Comision di Subsidio cu ta yuda subsidia Team Flying Arubies pa asina logra e clasificacion Olimpico di Rio 2016.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
