Durante di e campeonato mundial, e federacion mundial di triatlon esta ITU ta probecha di e oportunidad di organisa e Congreso cu tur su miembronan rond mundo. Durante e congreso lo papia riba diferente topiconan manera desaroyo di e triatlon rond mundo, competencianan, cursonan disponibel y otro actividad rond di e deporte di triatlon. Tambe lo presenta e relatonan anual mientras lo eligi un directiva nobo di ITU y lo tin eleccion di e miembronan honorario. Mester bisa cu actualmente triatlon ta e deporte mundial cu mas crecemento entre e deportenan cu ta cay bou di e organisacion di Olimpico, IOC.
Lotto, e loteria di Aruba no solamente ta aporta na e desaroyo di nos atleta y entrenadonan pero tambe na e participacion di nos dirigentenan na congresonan importante organisa pa e federacion mundial di nan deporte. Pa nos dirigentenan deportivo e ta di suma importancia pa keda na altura di e ultimo desaroyo y posibel cambionan rond di e maneho di e deporte door di e federacion mundial en cuestion.
Un danki sigur na Lotto Aruba pa medio di Comision di Subsidio cu a subsidia e biahe, di e secretaria general di ATA, pa e 28 edicion di e Congreso organisa pa e federacion mundial di triathlon, ITU na Chicago, Merca.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
