Oranjestad, Aruba - 29 di october, 2015: Diadomingo ultimo, e organisacion di LIFIDA e tene un torneo di futbol den Joe Laviest Ballpark y a conta cu participacion di e seleccion U-13 como tambe e ekiponan di SV La Fama, Brazil Jrs y RCS. E torneo di futbol tabata den conexion cu e celebracion di e ASU Olimpiada 2015. Ya for di mainta tempran a cuminsa cu e prome weganan cu a dura te den oranan di merdia.

Mester bisa cu e seleccion U-13 di Lifida ta den pleno preparacion pa un torneo anual teni na Corsou, esaki den luna di december, e torneo aki a sirbi como un bon preparacion pa e hungadonan. E organisacion di Lifida semper a prepara e seleccion U-13 for di tempran tur esaki pa cu e torneo internacional di futbol Himno y Bandera celebra 18 di maart na Aruba. Pa mas cu 20 aña, Jose Wever y su directiva ta organisa e torneo internacional caminda scolnan di futbol di Venezuela y Colombia ta bini como tambe e seleccion U-13 di tanto Boneiro como Corsou.

Un danki sigur na Lotto, E Loteria di Aruba pa medio di Comision di Subsidio cu a subsidia e torneo di futbol organisa pa LIFIDA den conexion cu e ASU Olimpiada.

Cumprando weganan di Lotto, E Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.