ORANJESTAD, Aruba - 18 di november, 2015: Diadomingo awor 20 di november, Aruba Triathlon Association lo organisa nan ultimo actividad pa loke ta e calendario deportivo di aña 2015. Despues di un exitoso Off Road Triathlon unda e participacion tabata masal, e biaha aki lo clausura e temporada cu un Off Road Duathlon. E actividad di Off Road Duathlon lo inicia 7or di mainta na Arashi y lo por competi den e categorianan di mucha, junior y adulto, por participa Individual of den Team di Relevo. E distancia cu lo wordo recori ta como lo siguiente mucha te cu 14 aña lo core 2.2 km – bais 7.2 km – core 1.3 km, mientras den Junior/Adulto esaki lo ta core 4.4 km – bais 14.4 km – core 2.6 km.
E deporte di triatlon a conoce sigur un tremendo aña deportivo 2015, casi tur luna tabata tin un of mas evento di triatlon y/of duathlon, mientras cu e participacion cada bes a bira mas grandi. Tambe internacionalmente nos atletanan di triatlon a sa na haci un bon papel, tanto den mucha, junior y elite. Un palabra di pabien sigur na e federacion di Aruba Triathlon Association.
Un danki sigur na Lotto, e Loteria di Aruba pa medio di Comision di Subsidio cu a subsidia e evento di Off Raod Duthlon organisa pa Aruba Triathlon Association.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.
