fbpx

Red Machine Team NOV2015ORANJESTAD, Aruba – 30 di november, 2015: Den luna di mei, e federacion di baseball Arubano, ABBA a inicia cu nan campeonato di baseball AA cu un total di nuebe ekipo participando den e division mas halto di Aruba su baseball. Diaranzon ultimo, ABBA a conoce su campeon pa loke ta e temporada di baseball AA 2015. Despues di a hunga numeroso wega den e ronda regular, e cuater ekiponan Oranjestad Stallions, Rockets, Red Machine y ATCO Indians a clasifica pa e playoff final. Aki den un bon bataya e dos ekiponan, Red Machine y ATCO Indians a sigui pa e gran final di Aruba su baseball.

 

Mester bisa cu den un serie basta pareu e ekipo di ATCO Indians a titular campeon di Aruba su baseball ora nan ta bin gana Red Machine den e di cinco wega cu e score di 12 - 7 y asina termina e serie di best out of seven 4 – 1. Remarcabel ta cu e ekipo di Red Machine a lidera henter e campeonato regular caminda nan no a perde ningun wega. Te den e playoff final contra di Indians nan a cay venci den un solo wega. E temporada di baseball ABBA den AA a yega su final mientras cu e federacion di baseball por mira tras di un campeonato exitoso.

 

Un danki sigur na Lotto, e Loteria di Aruba pa medio di Comision di Subsidio cu a subsidia e campeonato di baseball AA organisa pa e federacion di baseball Arubano, ABBA.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Our website is protected by DMC Firewall!