fbpx

Volleyball DEC2015 1ORANJESTAD, Aruba - 11 di december, 2015: E final di campeonato den e deporte di volleyball organisa pa Aruba Volleyball Association a yega su fin. Un campeonato cu participación di varios equipo den tres categoría y dedica na e dos gran hungadonan di volleyball y beach volleyball, Eargenell de Cuba y Mitchel Daniel.

 

Den e weganan di final den e categoría di Dama A-klas, nos ta haya e equipo di POVA a titula campeón ora nan ta gana YMCA cu e scor fnal di 3 – 1 cu e setnan 27-25. / 15-25 / 25-20 / 25-21. Den cabayero A-klas, e equipo di La Fama Spartans ta logra e titulo máximo ora nan ta gana e equipo di Unistars Venum cu e score di 3-0, e setnan aki tabata 25-19 / 25-19 y 25-17. Remarcabel ta cu e equipo di La Fama Spartans a gana e campeonato aki sin perde un wega, pues invicto. Na di tres luga a keda Centro di Bario Noord y na di cuater luga Jeugd Centrum Tanki Leendert. Pa loke ta e categoria di Dama B-klas nos ta haya como campeon e fuerte ekipo di Gazelles Sunset Car Rental kende den e gran final a derota e muchanan di Tornada Britannia.

 

E deporte di Volleyball a clausura nan campeonato 2015 ya caba a cuminsa prepara pa e proximo aña caminda e plannan ta grandi tanto den indoor volleyball como tambe e beach volleyball cu porcierto cada dia ta virando mas popular bou di nos hobennan.

 

Un danki sigur na Lotto, e Loteria di Aruba pa medio di Comision di Subsidio cu a subsidia e campeonato di volleyball organisa pa Aruba Volleyball Association.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

 

Volleyball DEC2015 2Volleyball DEC2015 3Volleyball DEC2015 4

DMC Firewall is a Joomla Security extension!