fbpx

JAN2016 Triatlon 2ORANJESTAD, Aruba - 19 di januari, 2016: Diadomingo ultimo 17 di januari, Aruba Triathlon Association a organisa nan prome actividad pa loke ta e calendario deportivo di aña 2016. Despues di a clausura e anja cu un tremendo Off Road Duathlon, e anja 2016 a habri cu un Warm up Sprint Triathlon pa tur e fiel amantenan di e deporte di traitlon. E actividad di Warm-up Sprint Triathlon a inicia pa 7or di mainta na Boca Catalina unda cu un cantidad grandi di competidornan den tur edad y categoria a bini y engrandese e prome actividad di anja 2016.

 

Por a competi den e categorianan di mucha, junior y adulto, por participa Individual of den Team di Relevo. E distancia cu lo wordo recori ta como lo siguiente mucha te cu 14 aña a landa 375m, core bais 10km y core na pia 2.5km, mientras den Junior/Adulto esaki lo ta landa 750m, core bais 20km y core na pia 5km. Por ultimo nos a haya e female open 15+, esakinan a landa 750m, core bais 20km y core na pia 5km. Ta bon pa bisa cu e deporte di triatlon a conoce un aña deportivo 2015 satisfactorio cu hopi actividad organisa pa nan miembronan. Es mas riba e calendario di actividad di 2016 nos por mira atrobe un gran cantidad di actividad manera triatlon, duathlon, sprint triatlon, kids triatlon, off road triatlon y duathlon sin lubida e competencianan cu lo bishita den exterior.

 

Un danki sigur na Lotto, e Loteria di Aruba pa medio di Comision di Subsidio cu a subsidia e prome evento di Aruba Triathlon Association cu ta e Warm-up Sprint Traithlon.

DMC Firewall is developed by Dean Marshall Consultancy Ltd