fbpx

 

Nos atletanan di landamento sincronisa ta cla pa e competencia aki, nan a prepara debidamente pa esaki y no tin duda cu nan lo duna un tremendo presentacion na Panama. E atletanan cu lo representa Aruba ta Abigail de Veer, Meghan Tromp, Kainah Croes, Anastasia van Daal, Rizhaylee Bello, Avigayle Tromp, Mikayal Morales, Angelina Hamoen y Kyra Hoevertsz. Como coach lo tin Yami Romay.

 

Mester bisa cu den Caribe, Aruba su atletanan di landamento sincronisa ta wordo considera como un di e mihonan den e region. Nos atletanan semper a sobresali den numeroso competencia internacional. Den pasado atletanan di synchro a triunfa logrando medaya den Weganan Centro Americano y Del Caribe, mientras cu den competencianan colegial na Merca como tambe eventonan internacional na Europa nos atletanan tabata exitoso. Esaki sigur ta danki na e propio atletanan, nan mayornan, staf di coachnan y AZB cu tur dia ta traha duro na bienenstar di e deporte di landamento sincronisa.

 

Un danki sigur na Lotto, e Loteria di Aruba pa medio di Comision di Subsidio cu a subsidia e biaha di nos delegacion di landamento sicnronisa pa e competencia organisa pa e Confederación Centroamericana y del Caribe de Natación na Panama.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

DMC Firewall is a Joomla Security extension!