ORANJESTAD, Aruba – 25 di juli, 2016: Karate ta un di e deportenan cu mas a desaroya den e ultimo aña nan na Aruba. Varios scol di karate entre otro Dojo Budokan, Dojo Shibumi, Dojo Shoshinkai y sin lubida e otro scolnan a lanta cu a haci cu e cantidad di atleta a bira grandi mientras e demanda a sigui crece.
Den e ultimo dos añanan nos atletanan di karate a cuminsa competi na nivel internacional den nos region como tambe na Merca, algun di nan a obtene resultadonan satisfactorio cual ta haci cu e deporte di karate ta riba e bon caminda. E federacion di karate, Aruba Karate Bond ta trahando duro na bienestar di nan atletanan y cada biaha ta purba na nivela nos atleta, coach y dirigentenan cu curso y competencianan local y internacional.
Diasabra 9 di juli proximo, Aruba Karate Bond lo organisa un campeonato nacional pa tur miembro y no miembro den e Centro Deportivo Frans Figaroa na Noord. Na banda di e combatenan lo bay tin tambe e competencia di Kata.
Un danki sigur na Lotto, e Loteria di Aruba pa medio di Comision di Subsidio cu a subsidia e Campeonato nacional di karate.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
