ORANJESTAD, Aruba - 4 di augustus, 2016: Recientemente e bolichera Thashaina Seraus a biaha pa Orlando, Florida unda e lo permanece pa un algun dia na e Kegel Training Center na Orlando Florida. Aruba su Atleta di Anja 2015 lo entrena durante algun dia bou guia di algun expertonan cu ta traha den servicio di e Kegel Training Center.
Net prome cu Thashaina bolbe Merca unda e lo sigui continua cu su estudio y deporte di bowling e lo hiba un preparacion cortico unda e lo traha riba e parti di tecnica y consistencia di e wega, movecion di bala y entrenamento mental. Mester bisa cu e entrenamentonan ta inicia di mainta te atardi laat. E campo di entrenamento di Kegel Training Center na Orlando, Florida sigur no ta uno desconoci, atleta di paisnan rond mundo ta haci uzo di e facilidad, e mayoria como un bon preparacion pa un temporada largo di bowling nan dilanti.
Un danki sigur na Lotto, e Loteria di Aruba pa medio di Comision di Subsidio cu a subsidia e biaha di e atleta Thashaina Seraus por atende e campo di entrenamento na Kegel Training Center na Orlando, Florida.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
