ORANJESTAD, Aruba - 8 di augustus, 2016: E campeonato Panamericano di biyar lo tuma luga den e simannan benidero unda un delegacion di Aruba tambe lo forma parti di esaki. Richard Wolff, Aaron Franken, Gunnar Leonardo y Ransley Tromp lo ta nos cuater representantenan cu lo enfrenta e mihonan di henter e continente aki. E campeonato Panamericano lo tin un total di 17 pais participando cu 471 atleta, cualporcierto ta un participacion record. Paisnan cu locompeti contra di Aruba ta Argentina - Bolivia - Bonaire - Chile - Colombia - Costa Rica - Corsow - Ecuador - Guatemala - Mexico - Nicaragua - Panama - Perú - Rep. Dominicana - Uruguay y Venezuela. E campeonato lo den Bola 8, Bola 9 y Bola 10.
Mester bisa cu Aruba den pasado tabata exito den e campeonato Panamericano di biyar unda a logra e podium maximo pa Aruba. Nos atletanan di biyar semper a saca cara di Aruba den cualkier torneo den exterior y no tin duda cu nan lo duna bataya pa logra un bon resultado pa Aruba. Hopi exito na e atletanan Richard Wolff, Aaron Franken, Gunnar Leonardo y Ransley Tromp y FEBIAR e federacion di biyar na Aruba.
Un danki sigur na Lotto, e Loteria di Aruba pa medio di Comision di Subsidio cu a yuda subsidia e biahe di e atletanan Richard Wolff, Aaron Franken, Gunnar Leonardo y Ransley Tromp pa e campeonato Panamericano di biyar na Costa Rica.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
