ORANJESTAD, Aruba – 7 di september, 2016: Diadomingo ultimo Aruba Wielerbond a organisa e careda “From Road to Dust 2016”, esaki den conexion cu e cambio di temporada un a bay over di bicicleta di ruta pa mountain bike. E careda a inicia y caba na California Lighthouse.
E participacion tabata grandisimo unda un gran cantidad di fiel amantenan di e deporte di mountain bike a acudi pa asina forma parti di e evento aki. A core den diferente categoria di mucha te cu e open klas y master, esaki tanto den femenino y masculino, mientras por a competi tambe den relay. Mester bisa cu Cemedar Sports Medicine tabata presente na e evento pa asina duna asistencia di masahe na e participantenan.
Un danki sigur na Lotto, e Loteria di Aruba pa medio di Comision di Subsidio cu a yuda subsidia e evento di Aruba Wielerbond “From Road to Dust 2016” .
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
