Entrenadonan di nos hoben deportistanan di MTB/BMX ta siguiendo un curso di 10 dia pa fortifica nan habilidad nan den e area di "coaching". Sr. Chris Kilmurray, originalmente di Irlanda, pero biba na Francia, ta dunando e curso, cual ta wordo auspicia pa e federacion internacional di ciclismo, Union Ciclista Internacional (UCI).
Read more: Lotto ta brinda apoyo na desaroyo di dirigentenan di MTB/BMX
Diasabra ultimo Aruba Amateur Boxing Association, bao liderazgo di Marco Dupersoy, a organisa un tremendo “Gym Rumble” cu participacion di “ATF Militia”, “Barack Fighting Gym”, “Elisa Boxing Gym”, “Jefferson Boxing Gym” y “Leo's Boxing Gym”.
Lotto semper t'ey pa encurasha nos hobennan y Lotto pa medio di Comision di Subsidio, yuda subsidia tur deporte na Aruba pa medio di e comision di subsidio. Lotto ta e sponsor mas grandi di Arubaanse Zwembond y e team di Aruba na Caribbean Island Swimming Championships (CISC) via di e comision di subsidio y ta hopi orguyoso di tin e privilegio di por yuda crea un hubentud sano pa medio di su contribucionnan na deporte”, asina Director di Lotto di Aruba, sr. Ronald van den Berg a duna di conoce durante su discurso na ocasion di apertura di e evento deportivo.
Lotto pa medio di Comision di Subsidio, como un di e sponsornan mas grandi di e di 26 Aruba Hi-Winds ta hopi satisfecho y orguyoso di e exito di e evento aki. Pa lunanan largo dos stagiaire, Ivar van Luyk y Reinier Middel, a traha ariba e preparacion di Hi-Winds y awe nan por ta hopi orguyoso di a forma parti di e comision organisado. For di februari nan tabatin ta traha, yudando organisa Aruba Hi-Winds, cual a tuma luga di dia 3 pa dia 9 di juli na Fishermen's Huts y Boca Grandi.
Como parti di e acuerdo di cooperacion entre Fundacion Lotto pa Deporte y Canadian Bank Note di Canada, anualmente mester haci un donacion substancial na e comision di subsidio di deporte. Den e areglo nobo aki, Fundacion Lotto pa Deporte lo no tene su mes ocupa mas cu patrocina ekiponan deportivo, ni material ni e stadionnan. Ta entrega un solo suma pa aña na e comision di subsidio di deporte cu na su turno ta parti e fondo entre tur e diferente organisacionnan deportivo cu ta cumpli cu reglanan pa por bin na remarke pa subsidio.
Read more: Lotto di Aruba ta entrega 1 miyon dollar na deporte
