fbpx
 
Diabierna 22 di maart ultimo, Lucky Zacatecas a conoce un ganado di e wega di Lotto di Dia, cu a gana e bunita suma di 55 mil florin. Henry R.G. a completa e combinacion perfecto di e numbernan; 05-09-20-27-30, cu ta su fecha di hacimento di aña, di su casa y tambe nan yiu homber chikito. E tin 2 aña ta hungando e mesun numbernan aki fiho y semper e tabatin e speranza cu su numbernan fiho lo sali un dia. E diabierna ey mes, Henry no tabata sa cu el a gana, ta te diasabra ora el a bay redeem e ticket, unda e rebendedo ta controla si el a gana of no, a dun’e e grato noticia cu SI, e ta e feliz ganado di 55 mil florin. 
 
E placa aki sigur lo cambia su bida, paso e por cambia su auto pa uno mas nobo y tambe e por uza esaki como downpaymente pa nan propio cas. Tur esaki ta posibel, danki na e weganan di Lotto, cu realmente ta cambiando bida di su hungadonan, permitiendo nan di realisa nan soñonan. 
 
Lotto, e loteria di Aruba tin 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.
Our website is protected by DMC Firewall!