Diamars ultimo el a logra gana cu e numbernan 9-14-20-25, e balente suma di 23.698 florin na Lucky Numbers Sasaki. Na momento cu el a bay cumpra number p'e siguiente sorteo di Mini Mega, el a drenta y wak riba e borchi e numbernan di e sorteo di diamars y di biaha el a constata cu e numbernan skirbi tabata conoci p'e. Mesora el a saca su ticket y a duna e rebendedo esaki y cu e rebendedo a bira hopi entusiasma y contento y no a perde e chens pa felicit'e y bis'e cu el a un feliz ganado di e suma di 23.698 florin. Mas cu claro e mester a bay na e oficina di Lotto , situa na Paardenbaaistraat 10, pa Raul por a cobra e premio aki. Raul a comenta cu e lo bay gasta e placa cu el a gana cu Lotto, na su smaak, pero sigur na un manera responsabel, ya cu Lotto a percura pa cambia su bida y dun'e e chens pa haci algun deseo realidad.
Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.
