Ta trata di un cliente fiel cu tur dia ta cumpra su ticketnan di Golazo. E señora tin un stapel di ticket cu cual e lo ta participando cun'e tambe den e campaña di Golazo cu a caba di termina dialuna ultimo. El a laga sa cu su casa ta loco pa gana e segundo premio cual ta e BBQ grill plus 250- florin na comestibel. Nan tambe lo ta den wega pa bira un di e feliz ganadornan di e premionan aki cu lo wordo anuncia diamars 27 di Mei proximo.

Segun e señora, su casa tabata zundr'e pasobra e tabata cumpra ticket constantemente, pero awo e ta hari so di contento cu e ta. E ticket di e premio ganado aki, di 20 mil florin, a wordo bendi na Fountain Minimarket. Lotto, E Loteria di Aruba kier felicita e feliz ganadonan y alavez bisa nan danki pa a participa asina entusiasma cu e wega y campaña "Golazo".