E abogado a sigui conta cu su cliente ora cu el a tende cu tin un solo ganado di e Mini Mega di Afl. 1.150.000, kende a cumpra su ticket na Lucky Papillon y e hungado no a scoge pa cumpra Mega Plus, e hungado fiel di Lotto di biaha a pensa cu e a cumpra su ticket eynan. Ora cu e la bay check den corant, e la wak cu ta su numbernan a sali, pero ainda e no por a kere cu e tin e ticket ganado. E la dicidi di bay check su numbernan di biaha riba e website di E Loteria di Aruba, esta www.lottoaruba.com.

Asina el a confirma cu e tabata tin e ticket ganado y el a acerca su abogado, Allan K., pa cobr'e p'e.

E ganado a keda hopi contento cu su premio y lo haci sigur bon uzo di dje y ponele di biaha ariba un cuenta di spaar. Masha pabien!