News
ORANJESTAD, Aruba - 17 di maart, 2017: Riba Diasabra 4 di maart tabatin sorteo di Lotto di Dia unda e numbernan ganado a resulta 05-06-09-11-14. E feliz ganado a cumpra un ticket loco na Lucky Mac. E no tabata sa cu el a gana e tremendo suma te ora cu el a bay scan su ticket y e mashin a zona indicando cu e tabatin un premio pendiente pa cobra. E ora e rebendedo a splik'e cu el a gana Lotto di Dia cu e bunita suma di 55 mil florin. Asina ey, el a sali pafo di contento ta grita pasobra el a gana e jackpot aki. Di parti di Lotto, E Loteria di Aruba, hopi pabien!
ORANJESTAD, Aruba - 17 di maart, 2017: Lotto, e loteria di Aruba ta informa comunidad en general y e fiel hungadonan di Lotto cu Diasabra awor, 18 di Maart, no lo bay tin sorteo esaki en conexion cu nos dia nacional, dia di Himno y Bandera. Riba e dia aki tambe tur e oficinanan di Lotto lo ta cera.
ORANJESTAD, Aruba - 16 di Maart 2017: Zodiac Merdia a conoce un otro feliz ganado dia 4 di Maart ultimo. El a cumpra e numbernan 1425 cu signo Leo. Ta asina cu e persona yen di suerte aki a bira ganado di e bunita premio di 12.500 florin. A cumpra su ticket na Lucky Spot. Lotto ta sigur cu e placa aki lo ta di gran ayudo pa nos cliente fiel. Pabien!
ORANJESTAD, Aruba - 16 di Maart 2017: Diasabra 28 di februari tabata e dia di suerte pa e feliz ganado di Mini Mega y Mini Mega Plus. E dia aki e numbernan ganado tabata 08-18-21-29 y Mega Ball 12. E cumprado cu suerte aki a cumpra un “Lotto Loco” na Kas Ariba Lottery. E no a haya sa di e resultado te cu diasabra ora cu el a controla su ticket y a ripara cu e tabata e ganado di e jackpot di 500 mil florin y Mega Plus, cu hunto a suma 725 mil florin. Lotto ta felicita e fiel cliente aki y ta dese’e hopi suerte den e proximo sorteonan.
ORANJESTAD, Aruba – diaranson, 1 di maart, 2017: Lotto, e loteria di Aruba a entrega un bunita suma como premio di Lotto di Dia na e abogado M.L.. El a busca e check di Afl. 50.000,= pa un cliente. E cliente a cumpra 3 combinacion di number, roba disabra 25 di februari, y e combinacion ganado a resulta di ta: 03-05-08-19-23!
ORANJESTAD, Aruba – 1 di maart, 2017: Dos dia despues cu el a haya sa cu e ta ganado di 12.500 Florin, juf J.M. a presenta na oficina principal di Lotto y asina reclama e premio cu el a gana durante e sorteo di merdia di diadomingo 26 di februari ultimo.
ORANJESTAD, Aruba – 1 di maart, 2017: Fin di luna Big 4 Merdiay Catochi Merdia a haci entrega di dos tremendo check. Un check ta di 10.000 florin y e otro di 12.000 florin, y awo tur dos check ta partenece un fiel hungado di weganan di Lotto, esta senjora S.M.. Riba 24 di februari e la pasa Bon Suerte Lottery y a cumpra diferente number entre otro 2 florin na e numbernan ganado 5404 cu Pick 4, di e wega tan gusta Big 4 pa sorteo di Merdia. Riba dia 25 e la cumpra numbernan 4925 pa sorteo di Catochi Merdia.
ORANJESTAD, Aruba – 1 di maart, 2017: Lotto, e loteria di Aruba a entrega un hopi bunita suma como premio di Lotto Di Dia na e hungado E.R.. El a gana 50.000,=, 22 di februari, 2017. E la cumpra 1 ticket cu numbernan di suerte 10-13-18-26-28! E numbernan di suerte a ser cumpra na Caronz Lottery. E ganadora ta un fiel cumprado di e wega Lotto Di Dia y e ta hopi contento cu e premio aki.
ORANJESTAD, Aruba – 1 di maart, 2017: Lotto, E Loteria di Aruba a entrega un check di 11.500 florin di e wega Zodiac na F.B.cu a hunga su numbernan di suerte 1722 y signo Piscis na Lucky Spot. Masha pabien na e feliz ganado.
ORANJESTAD, Aruba – 1 di maart, 2017: Durante e sorteo di Zodiac di Merdia di diadomingo 22 di februari, 2017, un di e hungadonan di Lotto cu a dicidi di cumpra su numbernan pa sorteo di Merdia a gana 12.500 florin. E.K. a cumpra su ticket cu e numbernan di suerte, 3722 cu signo di Piscis, na Euro Lottery situa na Noord y a logra cuadra e numbernany e signo cu esun ganado, ganando asina e suma di 12.500 florin.
ORANJESTAD, Aruba – diabierna, 24 di februari, 2017: Lotto ta di fiesta paso Maya Maduro a celebra su 20 aniversario na Lotto! Alavez a haci uzo di e oportunidad pa corone como Reina di Lotto 2017. Henter e team a celebra cu snacks, bolo y algo di bebe. Maya a ricibi un bunita bouquet di flor y tambe algun regaldo den envelope.
