News
Jackpot di “Mega Plus” a bira 500 mil florin y sorteo ta awe nochi
- Details
ORANJESTAD, Aruba – 17 di november, 2017: E jackpot di Mega Plus, cual bo por gana solamente ora “upgrade” bo ticket di Mini Mega agregando 2 florin, a keda aden diamars. Esaki kiermen cu pa awe e jackpot di Mini Mega a subi na 380.000 florin, mientras hunto cu Mega Plus e jackpot total ta bira 500.000 florin. Pa bo gana e tremendo suma aki ta facil. Djis cumpra bo ticket(nan) di Mega Plus y bo tin chens di bira e feliz ganado(ra) di mey miyon florin. Mirando cu ta casi fin di aña, sigur e premio aki lo ta hopi bon bini serca un feliz ganado(ra).
Big 4 ta parti premio di 10.000 florin
- Details
Oranjestad, Aruba - 16 di november, 2017: Monserat Lottery a bende e numbernan di suerte cu a hasi cu Sra. Stefanita C. a gana 10 mil florin. Sra. Stefanita semper ta hunga su numbernan cu wega di Big 4. E biaha aki no tawata diferente y e la resulta un tremendo ganadora.
Premio di Lotto 5 a alcansa 525 mil florin
- Details
ORANJESTAD, Aruba – 15 di november, 2017: E jackpot di Lotto 5 a sigui crece despues cu no tabatin ganado diasabra cu a pasa, y e premio a alcansa e suma fabuloso di 525 mil florin. E sorteo ta tuma luga awe pa 9:00pm na Telearuba. Corda riba con hopi cos bo por hasi cu e suma aki net prome cu fin di aña. Ta un cantidad di sonjo por bira realidad cu 525 mil florin.
Ganadora a busca premio di 57 mil florin di Lotto Di Dia
- Details
ORANJESTAD, Aruba – 14 di november, 2017: Lotto di Dia a conoce un otro feliz ganado di e suma bunita di 57 mil florin, na comienso di november. Ta trata di senjora Mary Josefina D. cu a keda masha contento cu su tremendo premio.
Awe Mini Mega y su Mega Plus ta hunga - Imaginabo gan’e net prome cu Pasco
- Details
ORANJESTAD, Aruba – diabierna, 10 di november, 2017: E prome premio di Mini Mega hunto cu su Mega Plus a yega e bunita suma di 460 mil florin. Un suma cu sigur lo cay net bon prome cu Pasco. Bo ta imaginabo gan’e? Ta hopi cos bo por hasi cu e suma di 460 mil florin. Bo por drecha y decora bo cas completo, cumpra un bon auto nobo, bay un dushi vakantie cu zakgeld y ainda pone poco placa riba banco. Bo por te hasta cumpra, of laga traha un tremendo cas mes cu e suma aki.
Zodiac Merdia ta sigui parti premio
- Details
ORANJESTAD, Aruba – 7 di november, 2017: E sorteonan di e weganan di Lotto, cu ta hunga den e oranan di merdia, a permiti cu hopi mas hungado tin mas chens pa gana. Durante e sorteo di Zodiac Merdia di diadomingo ultimo, un di e hungadonan di Lotto a dicidi di cumpra su numbernan y a gana 12.500 florin. Jaqueline S. a cumpra su ticket cu e numbernan di suerte, 1295 cu signo Aquarius, na Sunshine Lottery.
Zodiac a conoce ganado di 26.250 florin
- Details
Oranjestad, Aruba – 6 di november, 2017: Jose L.G. a gana e tremendo suma di 26.250 florin cu Zodiac, algo cu sigur ta sumamente bon bini. Riba 4 di november e la cumpra su numbernan di suerte Indio Stewart Lottery Sta. Helena.
Big 4 a paga ganado 18.500 florin
- Details
ORANJESTAD, Aruba – 31 di october, 2017: Riba 11 di september Davidson D. a gana 18.500 florin cu Big 4. Te awe numa e la dicidi pa pasa oficina di Lotto, na Paardenbaaistraat 10, pa busca su check. E la cumpra 3 florin na 0783 cu Pick 4, como tambe 5 florin na *783 cu Pick 3, na Cadena Alexander Cumana.
Lotto di Dia a entrega otro tremendo check
- Details
ORANJESTAD, Aruba – 27 di october: Lotto, e loteria di Aruba a entrega otro tremendo check. E biaha aki di e bunita suma di Afl. 57.000,- di Lotto Di Dia. E ganado absoluto ta Sra. Martha M. J., cu a cumpra su ticket di suerte na Djucu Mega Lottery, na Paradera.
Lotto di Dia a entrega un check di Afl. 73.000,-
- Details
ORANJESTAD, Aruba – 21 di october, 2017: Ayera Lotto, e loteria di Aruba, a entrega un check di e bunita suma di Afl. 73.000,- na e ganado di Lotto Di Dia di 18 di october, 2017. Meneer Aldian C.S. a cumpra su ticket di suerte na Kira’s Lottery Foodcenter. E numbernan ganado, di e sorteo ey, tawata: 05-21-27-28-30.
Lotto ta buscando e miyonario di 1.500.000 florin
- Details
ORANJESTAD, Aruba – 20 di october, 2017: E ganado di e premio miyonario di Mini Mega, den combinacion cu Mega Plus di dia 29 di september, 2017, ainda no a bira conoci! E premio a wordo gana door di 1 solo persona, cual a cumpra su ticket di suerte na Lucky Angel, Tanki Leendert. E numbernan ganado ta 15-19-23-24 cu Mega Ball 15.
