News
Riba “Dia di Obrero” lo no tin sorteo di Lotto
- Details
ORANJESTAD, Aruba - 30 di April 2014: En conexion cu celebracion di "Dia di Obrero" Diahuebs 1 di Mei, Lotto, e Loteria di Aruba ta informa comunidad henter cu pa e dia aki lo no tin sorteo. E sorteo ta sigui normal riba Diabierna 2 di Mei. Tambe oficinanan di Lotto, na Oranjestad y San Nicolas, lo ta cera y lo habri normal riba diabierna 2 di Mei.
Zodiac ta haci otro ganado feliz cu 12.500 florin
- Details
ORANJESTAD, Aruba – 30 di April 2014: E hungado Xiomara a cumpra diferente di su numbernan di suerte na Lucky Boys y entre nan el a cumpra mita pida di e combinacion di e fechanan di dje y su yiu, esta 2122. Wel, suerte a bati na su porta y el a bira ganado di 12.500 florin cu e wega di Zodiac!
A cumpra number robes y gana 15 mil Florin cu Zodiac
- Details
ORANJESTAD, Aruba - 28 di April 2014: Diamars 22 di April ultimo tabata e dia di suerte pa Glenda, cu riba e dia ey a bay cumpra su ticket di Zodiac, pero net e dia aki el a cumpra number robes. E number cu e kier a cumpra tabata 7241, sinembargo el a cumpra 7141 y netamente 7141 ta e combinacion di number cu a cay. Di e manera aki Glenda a gana 15 mil florin cu wega di Zodiac!
1.4 miyon florin a wordo gana pa dos persona
- Details
E ganadonan di e premio miyonario di Mini Mega den combinacion cu Mega Plus di dia 15 di april ta conoci! E premio a wordo gana pa dos persona y Lotto ta contento di por contribui na cambia bida di dos miembro di nos comunidad, unda cu cada uno a ricibi un check di Afl. 700.000.
Lotto di Dia a paga premio di 150 mil florin!
- Details
A tarda un poco, pero e ganado di e premio gordo di Afl. 150.000 di Lotto di Dia a pasa reclama su premio. Lotto di Dia tin su jackpot maximo di 150 mil florin, pues na momento cu e yega na e suma aki si no tin ganado(nan) cu e combinacion di cinco number exacto, e persona(nan) cu tin cuatro number corecto ta gana e premio. Si no tin niun ganado cu 4 cifra e ta bay pa esunnan cu tin 3 number corecto, asina aki e ta keda Roll-Down, pero e premio sigur sigur ta bay ora e jackpot yega su maximo.
Lotto ta buscando ganado di 1.4 miyon florin
- Details
ORANJESTAD, Aruba - 15 di April 2014: E jackpot di Mini Mega y Mega Plus ta sigui crece mirando cu Diabierna ultimo no tabatin ganado. E numbernan cu a sali diabierna tabata 14-25-27-28 y Mega Ball tabata 03.
Pa bo por bira ganado di e jackpot mega Miyonario, bo liña mester ta na awa. Pa diamars awor e jackpot di Mini Mega ta subi te na Afl. 1.000.000,= mientras cu Mega Plus su premio ta bira Afl. 1.400.000,=.
Abo por bira e ganador Miyonario di Afl. 1.150.000,- cu Mega Plus
- Details
ORANJESTAD, Aruba 11 di April 2014: Lotto, e loteria di Aruba atrobe tin un jackpot bastante bunita awe. Mini Mega a bira Afl. 825.000 y cu 2 florin extra bo por bira e ganado di Mega Plus cual a yega na e suma miyonario di Afl. 1.150.000 florin.
Kico bo mester haci pa gana? Djis tira bo liña na awa y asina bo lo tin chens di bira e feliz ganado di e jackpot miyonario aki di awenochi.
Lotto Di Dia tin cu bay AWE!
- Details
ORANJESTAD, Aruba – 10 di april 2014: "Awe ta e dia cu e premio aki ta bay", asina Patrick Fortin, gerente di mercadeo di Lotto, E loteria di Aruba a bisa ayera. Ta trata aki di e Lotto di Dia cu ta cuminsa cu un jackpot Afl. 50.000 pero cu a crece y awor a alcansa e bunita suma di Afl. 150.000.
Ganado di Big 4 Merdia ta sintonisa sorteo cerca rebendedo y gana!
- Details
ORANJESTAD, Aruba – 3 di april 2014: Pa e ganado di e sorteo di merdia di Big 4 di dia 2 di april por bisa cu practicamente el a gana un premio instantaneo, pasobra apenas algun minuut despues di e sorteo di Lotto, ya el a presenta na oficina di Lotto pa busca su check.
Lotto ta “on tour” cu Golazo....e promocion cu mas regalo!
- Details
ORANJESTAD, Aruba – 9 di april 2014: E team di Lotto ta "on tour" na diferente rebendedonan, como tambe riba diferente radiostation, cu nan wega di Raspa y Gana mas nobo, specialmente pa celebra e temporada di Futbol 2014, esta Golazo! Durante di e tour e team di Lotto ta parti hopi sorpresa pa hungadonan di e wega Golazo!
Lotto ta lansa GOLAZO cu premio mayo di 20 mil florin y 174 mil florin na premionan instantaneo
- Details
Golazo ta e wega nobo nobo di Raspa y Gana di Lotto, cu a wordo lansa netamente pa celebra e temporada di Futbol 2014 cu ta den porta. Golazo ta ofrece hungadonan e chens pa gana premio mas grandi cu nunca cu un total di 174 mil florin pa parti cu ta varia di 3 florin ta cu premio grandi di 20 mil florin, cu bo por gana instantaneo cu just 3 florin pa ticket!
