News
Lotto a duna 25 mil florin na premio di Zodiac
- Details
ORANJESTAD, Aruba – 7 di februari 2013: Juan G.P. ta un fiel hungado di Lotto, semper e ta cumpra su numbernan di custumber na Xiomara Hot Corner 2 y no ta prome biaha cu suerte di Lotto a bati na su porta. Un tempo pasa caba Juan a gana un premio cu a wordo parti entre e y un otro ganado. El a sigui cumpra su Lotto stret bay y e siman aki el a ricibi e gran premio di 25 mil florin como e ganado di e prome premio di Zodiac.Tic Tac Toe ta drenta den su ultimo luna
- Details
ORANJESTAD, Aruba – 4 di februari 2013: Desde cu e wega promocional Tic-Tac-Toe, di Lotto, e loteria di Aruba, a subi mercado, el a haya masha acogida cerca e hungadonan fiel di Lotto. E wega Tic-Tac-Toe a crece rapidamente, ya cu e jackpot sigur tabata masha atractivo mes pa gana y alabes e tabata un wega unda cu por a hung’e den seno familiar of di amistad, sperando ken por logra completa mas liña y asina resulta e ganado feliz.Lotto di Dia ta cambia bida di otro hungado
- Details
ORANJESTAD, Aruba – 30 di januari 2013: Lotto, e loteria di Aruba, ta hopi contento cu un biaha mas nan ta haci otro fiel hungado feliz. Casa di Charisse H. ta un fiel hungado di e weganan di Lotto y diadomingo ultimo, el a hunga e wega Lotto di Dia y a cumpra un ticket loco y esaki a resulta di ta e numbernan ganado. Cu su ticket ganado a gana e bunita suma di 69 mil florin y awo sigur e placa a yega na un hopi bon momento. Nan plan ta pa caba cu nan cura di cas. Oficinanan di Lotto ta cera diabierna awo
- Details
Lotto, e loteria di Aruba ta anuncia cu su oficinanan na Oranjestad y San Nicolas lo ta cera diabierna, dia 25 di januari proximo pa celebracion di Dia di Betico. Diabierna merdia y anochi no lo tin sorteo na TeleAruba. Ban celebra Dia di Betico hunto en grande. Diasabra bo weganan di Lotto faborito lo ta obtenibel na bo rebendedo preferi atrobe manera di custumber. Di manera aki Lotto ta desea henter pueblo di Aruba un feliz dia di Betico.Lotto a inaugura su oficina na San Nicolas
- Details
ORANJESTAD, Aruba - 16 di januari 2013: Despues cu na luna di october ultimo Lotto, e loteria di Aruba a habri su oficina nobo situa na Paardenbaaistraat 10, awor a dicidi di habri un oficina tambe na San Nicolas. Lotto lo brinda servicio na e comunidad di pariba di brug for di nan edificio situa na B.v.d. Veen Zeppenveldstraat # 21. E oficina lo ta habri di dialuna pa diabierna di 8'or di mainta pa 5'or di atardi y ta cla pa ricibi pago di nan rebendedonan di pariba di brug, ta bende tur loteria na cliente y dentro di poco lo por paga ganadonan nan premionan te cu 15 mil florin. Lotto di Dia ta hunga TUR DIA!
- Details
ORANJESTAD, Aruba - 9 di Januari 2013: E loteria di Aruba ta anuncia cu for di diaranson dia 9 di januari, 2013 Lotto di Dia ta cuminsa hunga tur dia. Pues, TUR DIA lo tin sorteo di Lotto di Dia. E sorteonan di Lotto di Dia ta tuma luga dialuna pa diasabra pa 9'or di anochi y diadomingo pa 2or di atardi na TeleAruba, Canal 13.Team di Lotto ta felicita nan colega Eric Ras cu e titulo Rey di Dande 2012
- Details
ORANJESTAD, Aruba - 7 di Januari 2013: Lotto, e loteria di Aruba ta super orguyoso di por anuncia cu e Rey di Dande ta nan colega Eric Eladio Ras, kende ta traha como supervisor den e Departamento Tecnico. Esaki ta e di tres biaha cu Eric ta gana e titulo maximo aki y henter e team di Lotto ta sumamente orguyoso di su logro. E team completo di Lotto kier felicita Eric Ras cu e titulo di Rey di Dande cu el a gana merecidamente.Elizabeth Gerardo awor ta super feliz cu su 25 mil florin cu el a gana cu Big 4
- Details
ORANJESTAD, Aruba 4 Januari 2013, Elizabeth Gerardo ta un di e feliz ganadonan di Lotto. Un biaha mas Lotto ta anuncia di ta hopi contento di por haci un otro persona feliz. Elizabeth a cumpra e numbernan 8541 di Big 4 na Shoshoro Snack y pa su suerte el a gana 25 mil Florin. E mesun dia aki Juan Koolman tambe a cumpra e mesun numbernan a resulta ganado di 15 mil Florin.Raquel Werleman a cumpra su numbernan ‘loco’ y a bira miyonario cu Mini Mega
- Details
ORANJESTAD, Aruba - 4 di Januari 2013: Raquel Werleman di Cadushi Largo ta e feliz ganado di e jackpot grandi di Mini Mega. Raquel a cumpra su “Lotto Loco” di e sorteo di Mini Mega diabierna 28 di December den oranan di atardi na Kas Ariba Lottery. Recientemente, Raquel a bishita oficina di Lotto pa reclama su premio y di eynan a bay Kas Ariba Lottery y na studio hunto cu su famia y coleganan di Setar NV.
Campaña Fenomenal di Lotto su 12 Dia di Pasco
- Details
ORANJESTAD , 4 January 2013 : Despues di algun dia ta wardando ansioso, Lotto, a saca e ganado absoluto di nan campaña 12 Dia di Pasco, unda cu e loteria di Aruba a consenti varios hungado rond di Aruba, cu ta ganando diferente premio fabuloso den e dianan aki. Recientemente Ismael Geerman a resulta den e ganado di 12 Dia di Pasco y a pasa reclama su premionan, cu sigur lo cambia e dushi temporada di Fin di Aña y garantisa un bon comienso di aña 2013 p’e. E explosion di premio tabata encera: dos CMB Gift Card na un total di Afl. 6000; un telefon BlackBerry di SETAR na balor di Afl. 500; dos Gift Certificate di Super Food na balor di Afl. 125 y Afl. 65; un Pagara di 100 mil tiro na balor di 125 florin; un Gift Certificate di Kooyman na balor di 85 florin; un Pakete di Clapchi na balor di 75 florin; un Gift Certificate di Flora Market na balor di 60 florin; un Carchi di Telefon di Setar na balor di Afl. 35; un Gift Certificate pa Gasoline; y ticket pa Cinema.
Bispo di Aña Mario Wernet a gana e jackpot grandi di Tic Tac Toe
- Details
ORANJESTAD, 4 January 2013: Mario Wernet a cera 2012 y a brinda "bonbini" na 2013 riba hopi bon pia, celebrando cu el a bira e ganado di e jackpot di fin di aña di Tic Tac Toe. Como cu tabata e ultimo dia di aña y Lotto tabatin un promocion special cu Tic Tac Toe, Sr. Wernet a dicidi di purba su suerte cu e wega aki. El a cumpra tres ticket na Mandingo's Snack, cual ta unda semper e ta cumpra su Lotto, y despues di e sorteo a resulta cu riba un di e ticketnan el a haya cuater linea. No tabatin ningun persona cu a haya cinco linea y ademas Sr. Wernet tabata e unico persona cu a haya cuater linea. Asina el a bira e solo ganado di e jackpot di Afl. 63.584!
