News
Tic Tac Toe lo conoce un ganado sigur 31 di december
- Details
ORANJESTAD , 30 december 2012 : Despues di varios luna ta haciendo diferente hungado feliz cu e wega promocional Tic Tac Toe, Lotto ta anuncia cu nan a yega na e fase di rolldown, esta cu mester tin un ganado riba 31 di December 2012, di e grandioso jackpot di Tic Tac Toe. Un wega cu sigur a causa masha impacto como tambe diberticion cerca e hungadonan, tabata Tic Tac Toe y cu a demostra cu ta facil pa hunga den grupo of bo so.
Sarah Quandt a gana cu Zodiac
- Details
ORANJESTAD , 28 december 2012 : No mucho dia pasa, Lotto, e loteria di Aruba, a cera conoci cu otro hungado feliz di e wega di Zodiac y awo ta bolbe toca turno, pa entrega un check di Afl. 52.500,- na otro feliz ganado di Zodiac.E biaha aki Sarah Quandt, a bira e ganado afortuna, cu ta hunga su numbernan fiho cu e wega di Zodiac. Diahuebs 27 di december despues di trabou, el a dicidi di pasa Lucky Numbers 3, situa na Arendstraat, pa cumpra e numbernan ganado cu e opcion di tur simbolo. E numbernan 2736, signo Capricornio, ta number ta simbolisa e dia cu su defunto tata ta haci aña y e fecha di su nacemento. Sarah a keda masha contento mes y tur ora e tabata gana suma chikito, te cu porfin awo si el a gana un bon suma.
1.3 miyon florin ta den wega diabierna 28 di december
- Details
ORANJESTAD, Aruba – : E "million florin question" di e siman aki ta: Ken lo bira miyonario AWE diabierna 28 DI DECEMBER? Lotto, e loteria di Aruba kier entrega un check miyonario mas ainda prome cu fin di 2012 y abo por ta e siguiente ganado cu Mini Mega diabierna awo! E Mini Mega a acumula bon, te surpasa Afl. 1.000.000 y ta awe Afl. 1.3 miyon florin!
No warda te ultimo momento, cumpra bo Mini Mega awo mes pa solamente Afl. 5 na cualkier rebendedo di Lotto, pasobra mas cerca di e sorteo, mas largo e rijnan ta bira.
Informacion ariba sorteo di Lotto, pa dianan di fiesta
- Details
ORANJESTAD, Aruba – 23 di december 2012: Lotto, e loteria di Aruba kier a informa cu 24 y 31 di december ta bay tin solamente un sorteo cu ta tuma luga pa 6:45PM na Telearuba. Dia 25, 26 di december y 1 di januari 2013 no ta bay tin sorteo di lotto. Lotto buscando un ganado feliz di 1.1 miyon den su sorteo di Mini Mega
- Details
ORANJESTAD, Aruba – 20 di december 2012: Despues cu diamars ultimo Mini Mega di Lotto, no a conoce ningun ganado di 900 mil florin, awe e premio ta yega e balente suma di 1.1 miyon florin. Sigur e ta un balente suma pa gana prome cu aña cera y si e wordo gana, Aruba lo conoce e di dos miyonario den aña 2012, danki na Lotto, e loteria di Aruba. E ultimo ganado di un sorteo miyonario a ser conoci den April unda e ganado a bay cu e bunita suma di 1.6 miyon florin.No keda sin cumpra bo Mini Mega, ya cu pa solamente Afl. 5 pa ticket, abo tambe ta sigura pa ta den wega y ken sa cu bo por ta e feliz ganado e premio gordo aki, net prome cu fin di aña y asina disfruta di un Pasco completamente diferente. Mane bo haya un chens, pasa cumpra bo ticket trempan, pasobra e rijnan lo ta largo cerca e rebendedonan di Lotto diabierna atardi.
E sorteo di Mini Mega ta masha facil mes pa hunga: Mini Mega ta consisti di 4 cifra te cu 30, plus e Mega Ball cu ta te 15, combina bo numbernan favorito of bo ta pidi un "Mini Mega loco" cerca e rebendedo preferi y bo ta garantisa cu bo liña ta na awa.
12 Dia di Pasco ta e campaña mas generoso y fabuloso di momento
- Details
ORANJESTAD, Aruba – 20 di december 2012: Diaranson y diahuebs representante di Lotto, Damaris Ridderstap a haci un radio tour y a splica e ultimo desaroyonan di e diferente jackpotnan di Lotto, pero particularmente el a contesta e preguntanan tocante e campaña fabuloso "12 Dia di Pasco".
Tur hende ta gusta scucha tocante sorteonan gratis y premionan fabuloso di Lotto! P'esey mes tabatin un ambiente masha "jolly" den esfera di celebracion di Pasco durante Damaris su bishitanan na Cool FM, Hit 94, Magic FM, Radio Latina y Caliente FM.
Denis Robert a gana 50 mil florin hungando Zodiac
- Details
ORANJESTAD, Aruba - 18 di december 2012: Denis Alex Robert ta otro feliz ganador di Zodiac. El a dicidi di bay purba su suerte cu e wega Zodiac cumprando su ticket na Indio Santa Helena. Denis a hunga e combinacion 5107 cu e signo Tauro. El a gana 50 mil florin y Denis tabata super feliz di por a gana e premio aki. Denis a laga sa cu e ta hunga e number aki vast pero e biaha aki e la dicidi di bira su number y pa sorpresa e la gana cu e number ey.
James Muñoz Restrepo a gana 25 mil florin hungando Zodiac
- Details
ORANJESTAD, Aruba - 18 di december 2012: Un biaha mas Lotto ta haci soño di un otro hungado realidad, ora cu James Muñoz Restrepo a dicidi di bay purba su suerte cu e wega di Zodiac. James a bai cumpra su Lotto na Indio Santa Helena y a disidi pa hunga e combinacion 5107 cu e signo Tauro. E premio cu el a gana tabata 25 mil florin y el a keda masha contento mes cu esaki. E suma aki ta yega den un temporada hopi bon cu ta esun aki di Pasco.
Lotto ta insisti pa haci un cliente miyonario e aña aki ainda!
- Details
ORANJESTAD, Aruba - 16 di december 2012: "Nos kier purba haci un otro hungado miyonario e aña aki ainda", asina Patrick Fortin, gerente di mercadeo y promocion di Lotto di Aruba a anuncia. "Nos a delibera y a dicidi na final cu esaki lo bira sigur e un miyon tiro di mas trempan, tira e aña aki. Si un cliente gana e jackpot di Mini Mega diamars awo, e lo ta un miyonario!" E premio tabata Afl. 810.000,- diabierna ultimo pero no tabata tin ningun feliz ganado di e prome premio. Di acuerdo cu e tantisimo interes, e premio di e jackpot di Mini Mega a subi pa diamars awor te cu Afl. 900.000,-.
Esporfi Kock Corona a gana 50 mil florin hungando zodiac
- Details
ORANJESTAD, Aruba - 15 di december 2012: No tin nada mas bunita, cu ora nan duna bo un number y cu bo ta bay cumpre na weganan di Lotto, e loteria di Aruba y pa despues resulta den un premio grandi. Un biaha mas Lotto ta haci otro hungado feliz, na momento cu Esporfi Kock-Corona a dicidi di bay purba su suerte cu e wega di Zodiac, cu e numbernan cu su tata a dun’e. Sin pensa dos biaha, Esporfi Kock-Corona a hunga e combinacion 0925 cu e signo cancer, cu su tata a dun’e, na Shahai Take Away, diaranson 12 di december. E premio cu el a gana tabata 50 mil florin y sigur a keda masha contento mes cu esaki. Ainda no sa kico e lo bay haci cu e placa, pero e la bisa si, cu esaki ta net bon pa e temporada di Pasco aki.
Controla bo ticket di Lotto 5, porta abo tin e ticket ganado!
- Details
ORANJESTAD, Aruba – 14 di December 2012: Lotto, e loteria di Aruba, ta sigui haci su clientenan feliz y desde diasabra 8 di december ultimo, un persona a logra combina e numbernan perfecto di e wega di Lotto 5. E ganado cu ainda no a bin reclama su premio,a cumpra e ticket na Jes Lottery, banda di Wema na Santa Cruz. E numbernan ganado ta: 13-21-23-24-26, cu Joker: 31 y Free Letter: G. 
