fbpx

Oranjestad, Aruba - 19 di februari, 2015: E temporada nobo den e deporte di biyar ta den inicia y e federacion di FEBIAR a anuncia cu su calendario pa cu e temporada 2015 ta defini. E campeonato ta priminti di bira uno sumamente grandi cu competencianan di Nacional, Pro Team League, APT Tour A&B, Campeonato 8 Ball team, ABC 9 y algun otro mas.

Oranjestad, Aruba - 10 di februari, 2015: Diadomingo ultimo, e seleccion di tennis hubenil a regresa Aruba unda nan a caba di competi den e Junior Davis Cup y Junior Fed Cup na El Salvador. Spera pa un multitud grandi di famia, amigo y conocirnan na airport, e hobennan a regresa den forma satisfactorio unda cu e ekipo masculino consisti di e hungadonan Patrick Sydow, Kyle Fränkel y Kevin Yarzagaray a logra e titulo como e campeonnan di e Junior Davis Cup y na mesun momento marcando historia di bira e prome ekipo cu a logra esaki desde Aruba su participacion na 1985.

 

Oranjestad, Aruba - 3 di februari, 2015: Diamars ultimo e federacion di tennis di mesa A.T.T.A a tene su torneo anual Copa Betico Croes den Centro Deportivo Betico Croes. Mester bisa cu un cantidad grandi di hungadonan den tur edad a haci acto di presencia pa asina engrandece e torneo aki.

Oranjestad, Aruba – 3 di februari, 2015: Diadomingo 8 di februari proximo, e asociacion di triatlon, ATA lo ta organisa su prome competencia di aña 2015 cu lo bira un warm-up triatlon of miho bisa The Guardian Group Warm-Up Sprint Triatlon 2015!

Oranjestad, Aruba – 3 di februari, 2015: Durante dos dia largo, Aruba Bodyboard Association a organisa, pa di dos aña consecutivo, e Copa Betico Croes 2015 na Andicuri Beach. Mas di 40 competido a participa na e competencia di bodyboard cual a haci e dos dianan uno super exitoso. Den e dos dianan aki a bataya fuerte den e categorianan di Open Bodyboard, Open Surf, Junior Bodyboard, Women Bodyboard, Beginners Bodyboard y Dropknee Bodyboard.

DMC Firewall is developed by Dean Marshall Consultancy Ltd