Atletanan di karate a logra varios medaya den e New York International Open di KARATE 2016
- Details
ORANJESTAD, Aruba - 16 di maart, 2016: Recientemente e seleccion di karate di Aruba atende un competencia na e ciudad di New York, Merca. Esaki den e prestigioso torneo New York International Open KARATE 2016. Un total di 6 atleta mas dos coach y un oficial a representa nos isla den e Open aki. Mester bisa cu e campeonato tabata uno grandi y a conta cu participacion di paisnan manera Republica Dominicana, Puerto Rico, Montenegro, Canada, Island of Guadalupe, Trinidad, Scotland, Nepal, India, Uruguay, Georgia, Haiti, Venezuela y Merca.
Temporada di baseball di Aruba Little League a inicia diabierna ultimo den Parke di baseball Crismo Angela/Nadi Croes
- Details
ORANJESTAD, Aruba - 3 di maart, 2016: Diabierna ultimo bou di un entusiasmo grandi e temporada mas dushi di baseball a inicia na Aruba. E organisacion di Aruba Little League a inicia cu nan campeonato cu un bunita ceremonia di apertura den e Parke di baseball Crismo Angela/Nadi Croes na Sta Cruz. Mester bisa cu un bes mas varios ekipo di Nort, Center y South League den e divisionnan di Little, Junior y Senior lo competi e aña aki pa e titulo maximo 2016.
Aruba Little League a atende congreso Latinamericano di baseball na Freeport, Bahamas
- Details
ORANJESTAD, Aruba- 3 di maart, 2016: Riba invitacion di e representante mas halto di baseball Little League Latinamericano Sr. Carlos Pagan, Aruba Little League den representacion di su DA, Sr. Rhudy Donata a sali pa Freeport, Bahamas unda e congreso anual di Little League Latino Americano y del Caribe a tuma luga.
Read more: Aruba Little League a atende congreso Latinamericano di baseball na Freeport, Bahamas
Lotto ta felicita Hugo Themen cu a wordo eligi como miembro di e Comite Tecnico Panamericana de Levantamiento de Pesas
- Details
Oranjestad, Aruba - 3 di maart, 2016: Den e dianan 25 pa 27 di februari ultimo, e conocido entrenador y alabes dirigente y actual presidente di e federacion di pesas, Sr. Hugo Themen tabata na e ciudad di Santo Domingo, Republica Dominicana unda a tuma luga e Congreso Electoral pa e periodico 2016 pa 2020 di e Federacion Panamericana de Levantamiento de Pesas. E congreso a conta cu un participacion di 22 pais miembro di e confederacion Panamericano, entrenan Aruba como tambe Corsow. Mirando e importancia di e congreso tabata tin varios personanan importante den e mundo di pesas a atende esaki manera e presidente di e federacion mundial di weightlifting, Dr. Tamas Ajan y e Secretario General Mr. Ma Wenguang.
Atleta Gregory Milliard lo tin compromiso internacional den Mixed Martial Arts na Detriot
- Details
Oranjestad, Aruba, 19 di februari 2016. Den e ultimo cinco añanan, e deporte di combate Mixed Martial Arts a crece y bira un di e deportenan mas famoso na mundo. Aruba sigur no a keda atras mirando cu hopi hoben a cuminsa practica e deporte mientras cada evento di MMA tabata tin su acohida grandisimo colma di fanaticada. Es mas varios di Aruba su atletanan di MMA manera Evan Nedd, Aldrick Croes y Gregory Milliard a cuminsa representa nos isla den exterior esaki den eventonan renombra principalmente na Merca cu ta wordo hasta televisa pa mundo henter por mira. Actualmente e atleta di combate Gregory Milliard kende ta e campeon di Aruba y Caribe a biaha pa Detroit, Michingan unda e lo competi den un anochi di MMA. E atleta Milliard kende tin un record di 28 pelea gana y 6 pelea perdi di cual 26 pelea gana pa knockout lo mester enfrenta un otro campeon di MMA esta Shamier Garcia.
Read more: Atleta Gregory Milliard lo tin compromiso internacional den Mixed Martial Arts na Detriot
- Atletanan masculino di tennis lo competi den e Junior Davis Cup 2016 na Republica Dominicana
- LIFIDA a celebra Dia di Betico cu algun tremendo partidonan di futbol na Yara
- Aruba Tang Soo Do Federation lo organisa Gihae Tang Soo Do Challenge
- Lotto cu palabra di pabien na e ganadonan di Copa Betico 2016 den Pesas
