Delegacion di tennis participando den e Grand Slam Development Fund (GSDF) U12
- Details
ORANJESTAD, Aruba - 25 di augustus, 2016: Recientemente un delegacion di tennis a biaha pa nos hermana isla di Corsou unda cu nan a participa den e asina yama Grand Slam Development Fund (GSDF) U12 cu ta un pre qualifying Caribbean 12 championship. E dos hobennan Sebastian Ruiz y Abhay Daswani, bou guia di coach Jonathan Goitia, lo hunga den e torneo cu ta uno di 12 aña. Aruba lo ta den pool C, hunto cu Bahamas, Guyana y Surnam. Nan locuminsa na hunga e round robin pa despues avansa pa e “main draw” si nan logra triunfa den tur nan tres weganan hunga. Mester bisa cu e prome tres paisnan lo sigui pa e torneo grandi den luna di November na Mexico, unda lo hunga e finalnan.
Read more: Delegacion di tennis participando den e Grand Slam Development Fund (GSDF) U12
Atletanan di biyar lo hunga e Campeonato Panamericano di biyar na Costa Rica
- Details
ORANJESTAD, Aruba - 8 di augustus, 2016: E campeonato Panamericano di biyar lo tuma luga den e simannan benidero unda un delegacion di Aruba tambe lo forma parti di esaki. Richard Wolff, Aaron Franken, Gunnar Leonardo y Ransley Tromp lo ta nos cuater representantenan cu lo enfrenta e mihonan di henter e continente aki. E campeonato Panamericano lo tin un total di 17 pais participando cu 471 atleta, cualporcierto ta un participacion record. Paisnan cu locompeti contra di Aruba ta Argentina - Bolivia - Bonaire - Chile - Colombia - Costa Rica - Corsow - Ecuador - Guatemala - Mexico - Nicaragua - Panama - Perú - Rep. Dominicana - Uruguay y Venezuela. E campeonato lo den Bola 8, Bola 9 y Bola 10.
Read more: Atletanan di biyar lo hunga e Campeonato Panamericano di biyar na Costa Rica
Thashaina Seraus lo atende un campo di entrenamento na Kegel Training Center na Orlando, Florida
- Details
ORANJESTAD, Aruba - 4 di augustus, 2016: Recientemente e bolichera Thashaina Seraus a biaha pa Orlando, Florida unda e lo permanece pa un algun dia na e Kegel Training Center na Orlando Florida. Aruba su Atleta di Anja 2015 lo entrena durante algun dia bou guia di algun expertonan cu ta traha den servicio di e Kegel Training Center.
Tenista Patrick Sydow lo hunga torneo internacional di ITF Junior Cup na Monterrey, Mexico
- Details
ORANJESTAD, Aruba - 3 di augustus, 2016: Den e dianan benidero e hoben y alabes prospecto grandi den e deporte di tennis esta Patrick Sydow lo tin un otro compromiso internacional na Monterrey, Mexico. E hoben Sydow kende a caba di hunga un tremendo torneo internacional na Aruba den e tennis TIHTA lo competi den e ITF Junior Cup Tournament. Pa dos siman largo Patrick Sydow lo hunga den e competencia G4. Mester bisa cu Patrick lo enfrenta a miho hungadornan di tennis den nos region cu ta bini principalmente di Merca y Mexico mes.
Tenista Kayla Solognier lo hunga e torneo internacional di tennis JITIC U14 na El Salvador
- Details
ORANJESTAD, Aruba - 2 di augustus, 2016: E hoben prospecto den e deporte di tennis, Kayla Solognier recientemente a biaha pa e pais di El Salvador unda e lo hunga e torneo JITIC U-14. E hoben Solognier ta e unico tenista cu lo representa Aruba den e torneo aki. Algun siman atras, Kayla Solognier a atende un clinica di tennis na Merca cerca e conocido entrenador Arubano residencia na Florida, Mark van Romondt esaki como preparacion pa e torneo di JITIC U14. E torneo lo ta di 30 di juli pa cu 6 di augustus y hunto cu Kayla a biaha tambe coach Jonathan Goitia.
- Bolichera Kamilah Dammera lo competi den e PWBA US Woman’s Open na Las Vegas, Nevada
- Aruba Sport Unie a organisa curso di referee pa e deporte colectivo
- Aruba Center Little League lo competi den e campeonato di baseball di Caribe na US Virgin Island
- Campeonato nacional di karate a tuma luga dia 9 di juli, 2016
