News
Mini Mega & Mega Plus cla pa haci bo un miyonario
- Details
ORANJESTAD, Aruba – 18 di augustus 2015: E sorteo di Mini Mega di diabierna no a conoce ganado y tanto e premio di Mini Mega como esun di e Mega Plus a crece pa ofrece un total di 1.250,000 florin como e prome premio. E proximo sorteo ta tuma luga awe, diamars, 18 di augustus pa 9’or di anochi “live” na Telearuba, Canal 13.
Lotto 5 a paga 700 mil florin na un feliz ganado
- Details
ORANJESTAD, Aruba – 10 di augustus 2015: Na momento di su bishita na oficina di Lotto pa cambia su ticket ganado di Lotto 5 pa un check di 700 mil florin, ainda Tulio M. tabata pensando ta kico e lo bay haci cu su premio fabuloso. E tabata masha contento y yen di idea, pero ainda ningun decision concreto.
Big 4 Merdia - Bunita suma di 28.000 florin a ser gana
- Details
Oranjestad, Aruba – 31 di juli, 2015: Sra.Bertranda a pasa, un biaha mas, na oficina di Lotto na Paardnebaastraat 10, pa cobra e premio di 28.000 florin. E la gana e premio hungando Big 4 Merdia y cu Pick 3 cu 273. E cumpra e numbernan aki na Tonito’s Lottery Dialuna 27 di juli.
Zodiac a conoce ganado di 50.000 florin
- Details
Oranjestad, Aruba – 28 di juli, 2015: Gana e tremendo suma di 50 mil florin cu Zodiac ta algo cu sigur ta sumamente bon bini na cualkier momento. Riba 23 di juli Zodiac a conoce un ganado cu a cumpra su numbernan di suerte na Paradera Lottery.
“Lotto di Dia” a parti 150.000 florin entre 51 persona
- Details
Oranjestad, Aruba – 25 di juli, 2015: Diahuebs cu a pasa, 23 di juli, Lotto Di Dia a yega su jackpot maximo di 150.000 florin y e la wordo gana entre 51 persona. Ya caba mayoria di persona a pasa busca nan check di 2941 florin. Lotto sigur ta felicita cada un di e ganadonan aki.
Jackpot di Mini Mega & Mega Plus a yega 600 mil florin
- Details
ORANJESTAD, ARUBA 23 DI JULI 2015: Despues di algun luna cu Mini Mega y Mega Plus a conoce diferente ganado di e prome premio, a cuminsa un racha di aumento atrobe algun siman pasa. Riba diamars e jackpot a surpasa mey miyon florin y no tabatin ganado di e prome premio. Como tal, pa awe nochi Lotto ta anuncia cu awo e jackpot di tur dos wega a aumenta y a yega e bunita suma rondo di 600 mil florin.
Wega di Catochi Merdia a regala 13.200 mil florin Marianne su casa a ta fiel hungado di wega Catochi
- Details
Oranjestad, Aruba - 21 di juli, 2015: 13.200 florin ta un suma cu cual Marianne a pasa colecta na oficina principal di Lotto na Oranjestad, e dia despues cu su casa a gana cu Catochi Merdia. Aworaki, Marianne y su esposo ta conta cu e tremendo suma aki pa asina e por haci cualkier di su deseonan un realidad.
Lucia a gana 22.731 florin cu Mini Mega
- Details
Oranjestad, Aruba – 20 di juli, 2015: Lucia M. V. a gana e di dos premio di 22.731 florin cu Mega Mini e sorteo di siman pasa diabierna, 17 di juli. Den corant e la controla su ticket y asina e la haya sa cu e ticket cu e la cumpra na H.J.M. Lottery ta esun ganado di e segundo premio.
Mini Mega cu Mega Plus hunto a surpasa mey miyon florin Jackpot ta 520.000 florin awe nochi
- Details
ORANJESTAD, Aruba – 17 di Juli 2015: E prome premio di Mini Mega hunto cu su Mini Mega Plus a surpasa mey miyon florin pa e siguiente sorteo! Awe, diabierna, 17 di juli bo por gana un total di 520 mil florin cu un inversion di solamente 7 florin, cumprando bo Mini Mega combina cu Mega Plus.
Big 4 ta regala hungado e suma di 20.000 florin
- Details
Oranjestad, Aruba – 14 di juli, 2015: Xiomara a sonja cu un ser keri di dje cu a bise pa cumpra e orario natal di si yui muhe chikito di dos anja. Cu e sonjo den mente Xiomara a pasa Juana Lottery y a cumpra e numbernan 2332 pa Big 4.
Lotto cu campaña special pa “Back To School” - Cu 2 wega di Raspa Y Gana
- Details
ORANJESTAD, Aruba - 13 di juli, 2015: Relaciona cu e temporada di vakantie grandi, Lotto, E Loteria di Aruba a prepara un campaña cu ta start 13 di juli y ta termina 21 di augustus en conexion cu dos wega di "Raspa y Gana". E dos weganan participante ta Cars and Cash y Ten Times the Money. Pa participa ta masha facil y e ganadonan lo ricibi premionan masha atractivo, specialmente pa e temporada di "Back to School".
