News
Jackpot di Lotto 5 a surpasa su record!
- Details
Oranjestad, Aruba- 28 di maart 2015: E jackpot di Lotto 5 pa awe nochi a yega e fabuloso suma di 1.7 MIYON florin y asina a kibra e record di e jackpot mas grandi for di aña 2008. Lotto 5 ta e wega di mas HOT di Lotto actualmente.
Sorteo di Lotto 5 miyonario ta diahuebs 19 di maart
- Details
Oranjestad, Aruba- 17 maart 2015: En conexion cu e celebracion di nos Dia Nacional, Lotto ta anuncia cu no tin sorteo di merdia y anochi diaranson awo, esta dia 18 di maart. Consecuentemente e sorteo di e Lotto 5 miyonario di E Loteria di Aruba, lo tuma luga durante di e sorteo di anochi di diahuebs, dia 19 di maart. Lotto ta conmemora nos fiestanan nacional y dianan liber oficial, manera ta e caso cu Dia di Himno y Bandera diaranson awo y pues no tin sorteo riba e dia aki.
E jackpot di Lotto 5 ta sigui crece, despues cu no tabatin ganado di e prome premio riba diasabra, dia 14 di maart. Ningun cliente tabatin e combinacion di number 03-09-13-26-30 corecto y e jackpot a bira awo 1.4 miyon florin.
E team di Lotto ta cla, prepara pa entrega siguiente miyonario di Lotto 5 un check grandi, pues cumpra bo Lotto 5 desde awe mes!
Big 4 Merdia a paga 50.000 florin
- Details
ORANJESTAD, Aruba – 12 di maart, 2015: Comienso di luna Big 4 Merdia a haci entrega di un tremendo check. E biaha aki e check ta di 50.000 florin na Robert R. cu ta un fiel hungado di weganan di Lotto y cu semper ta cumpra su numbernan vast. Recientemente e la pasa Buena Vista Lottery y a cumpra e number cu e la yega di gana premio cune caba, esta 1136.
Diaranson: Lotto! Lotto! Lotto! Gana 1.2 MIYON florin cu Lotto 5
- Details
Oranjestad, Aruba- 11 di maart, 2015: E premio maximo di Lotto 5 ta sigui crece y e jackpot pa e sorteo di diaranson awo a yega e suma fabuloso di 1.2 MIYON florin! Bishita cualkier rebendedo prome cu 8:45 di anochi awe y tira bo liña na awa pa solamente 4 florin pa cada ticket. Tur terminal ta cera pa exactamente 8:45PM, pa e sorteo cu ta cuminsa pa 9’or di anochi “live” na TeleAruba, Canal 13.
Lotto ta anuncia ganadonan di campaña di Raspa y Gana: Celebra Carnaval cu Raspa Y Gana
- Details
Oranjestad, Aruba- 10 di maart, 2015: Pa temporada di Carnaval Lotto a invita tur cliente di Raspa y Gana pa participa na un campaña, pa un chens pa gana tres premio cu nan ticketnan no-ganado.
Diasabra 7 di maart: E jackpot di Lotto 5 a yega 1.1 MIYON florin!
- Details
Oranjestad, Aruba – 7 di maart, 2015: Lotto Grandi, Lotto pa Deporte of simplemente Lotto; den comunidad ta scucha diferente nomber p’e prome wega di jackpot cu Lotto a ofrece nos comunidad. Pero pa e sorteo di awe, yam’e na su nomber pasobra e prome premio ta extraordinario:. Pidi pa bo Lotto 5!
Hungado a gana 25 mil florin cu Zodiac
- Details
ORANJESTAD, Aruba – 26 di februari, 2015: Zodiac, un di e weganan di 4 cifra masha gusta y hunga pa e hungadonan di Lotto, a conoce otro ganado recientemente. E biaha aki Zodiac a reparti 25 mil florin, cu a wordo gana pa Rubia D. cu a cumpra su ticket na Elsa’s Lotto Dakota.
Lotto di Dia a paga premio di 114 mil florin
- Details
ORANJESTAD, Aruba – 20 di februari, 2015: Lotto, e loteria di Aruba a entrega un bunita suma como prome premio di Lotto di Dia na e hungado Mary I. L.. El a gana e suma grandi di Afl. 114.000,=. Mary a cumpra 3 number di Lotto Di Dia riba Diabierna 13 di februari y el a resulta di ta e ganado cu e combinacion di numbernan di suerte 03-04-19-24-25!
Big 4 Merdia a conoce ganado di 28.500 florin
- Details
ORANJESTAD, Aruba - 19 di februari, 2015: Gana 28.500 florin cu Zodiac ta algo cu sigur ta sumamente bon bini na cualkier momento. Riba 7 di februari, Big 4 Merdia a conoce un ganado di 28.500 florin kende a cumpra su numbernan di suerte na Lucky Numbers Sasaki.
Aunke tin parada di carnaval sorteonan di awe y diadomingo ta sigui normal - Lotto 5 riba Valentine's Day ta Afl.800.000!
- Details
ORANJESTAD, Aruba - 14 di februari 2015: Majan, Diadomingo 15 di februari, Aruba ta celebra Carnaval 61 durante e parada grandi na Oranjestad, y sorteonan di Lotto lo sigui normal pa 2:00pm. Ta bon pa corda tur hende cu dialuna ta un dia liber y como tal lo NO tin sorteo di Lotto di Aruba. Diamars tur sorteo lo sigui riba nan orario regular. Tuma nota cu esaki ta conta tambe pa Wega di Number Korsou pa diadomingo y tambe dialuna.
Celebra Carnaval cu Raspa Y Gana - Campanja nobo di Lotto, E Loteria di Aruba
- Details
Oranjestad, Aruba - 6 di februari, 2015: No benta bo ticketnan no-ganado di Raspa y Gana afo! E ticketnan no-ganado, di cierto weganan particpipante, di Raspa y Gana ta participa den campanja pa gana premio e temporada di carnaval aki. Lotto ta invita tur amante di Raspa y Gana pa pega dos ticket no-ganado, di e weganan participante, na otro, skirbi nomber, adres y number di telefon patras di tur dos ticket y deposita nan den e caha special poni cerca rebendedonan of na oficinanan di Lotto.
